Transfer Deadline hma a, Loan a chhuak mai thei dinhmuna ding player tha 5 te

Kan hriat angin January transfer window/winter transfer window tih ni bawk chu a zo leh tep tawh a, a zawh nan ni 5 vel bak hun a awm tawh lo. January transfer window hi club tan thil tangkai tak pakhat a ni, an squad thawm thatna kawngah a puih nasa thei hle.

Tun tum January transfer window-ah hian club thenkhatte chu an che rang hle a, hetihlai hian team thenkhatte erawh muang changin an che a, dead line day an nghak ve deuh ni tein a lang.

Chhan dang pakhat awm thei chu January market-ah hian player quality nei tha tak an awm vak lo thin a, a tlang puiin January market-a an lak luh te hi loan hmanga lak luh anni tlang pui.

Engpawhnise, tun tumah hian Transfer deadline day hmaa, loana chhuak thut thei player tha zual 5 te kan rawn tarlang ve leh e:

5. Donny van de Beek – Manchester United

Manchester United v BSC Young Boys: Group F - UEFA Champions League

Donny van de Beek hi Manchester United lamah an chim hneh hle niin a lang, vawiin thlengin khelhna hun a chang tam lo hle.

Kum 2020 khan Manchester United chuan Ajax atang dutch midfielder hi an la lut a, Ole Gunnar Solskjaer’an duh zingah a tello niin a lang, a chhawr khat hle. Khelhna hun a chan ve thin pawhin duh angin a che tha lo a ni.

Manchester United a zawm atang all competion ah match 50 chiah ala inlan thei rih a, a tam zawk chu substitute atang a lut a ni.

Amah duhtu zingah Crystal Palace an lang a, transfer deadline day zawh hmain loan in a zawm thut thei.

4. Arthur Melo – Juventus

US Sassuolo v Juventus - Serie A

Brazil midfielder hi player che zawk zawk a ni lova, transfer window an hawn ni January ni 1 atang khan chhuak tur anga sawi a ni tawh. Amah duhtu zingah hian Arsenal an langsar hle. Transfer deadline day hma ngeiin a zawm a rinawm.

3. Alvaro Morata – Juventus

AS Roma v Juventus - Serie A match

January transfer window hawn tirh phat atang khan Juventus chhuahsan tur anga sawi a ni a, tunah hian amah duhtu zingah FC Barcelona an langsar ber a, transfer deadline hma ngeiin an lak luh theih a rinawm.

2. Jesse Lingard – Manchester United

Manchester United v Atalanta: Group F - UEFA Champions League

Manchester United star Jesse Lingard pawh hi loan a a chhuah leh ngei a rinawm. Amah duhtu zingah Newcastle United an langsar ber.

1. Pierre-Emerick Aubameyang – Arsenal

Manchester United v Arsenal - Premier League

Thla 3 liamta vel atang khan Pierre Emerick Aubameyang hi a che tha lo hle a, tun transfer window-ah Arsenal a chhuahsan ngei dawn niin a lang.

Ani hi Europe club hrang hrangin an duh a, mahse, Barcelona leh AC Milan lam an langsar hle. Transfer deadline day hmain an la lut thei mai ang em?

Source SK

Related Posts

error: Content is protected !!