Transfer bazar hnuhnung ber khan player 9 lai Man Utd hnena zawrh anni

Transfer bazar liamta ah khan Manchester United hnenah player pakua lai zawrh anni a, chung zingah chuan Memphis Depay leh Christian Pulisic te pawh an tel.

Ten Hag nau te’n league game hmasa pahniha an tlawm hnuin an insiamtha a, a zawnin league game 4 ah hnehna chang tawh in table chung bera awm Arsenal chu point thum chiah in an phak lo. Tun season kal mek ah Manchester United hian Old Trafford ah Premier League club lian pahnih Liverpool leh Arsenal te an lo tukdawl tawh.

Red Devils hian transfer bazar hnuhnung ber khan UEFA Champions League nomawi vawi 5 chawi thei Casemiro an lalut a, ani mai bakah Antony, Christian Eriksen, Lisandro Martinez, Tyrell Malacia leh Martin Dubravka te pawh in Old Trafford an pan ve bawk.

Italian journalist Fabrizio Romano tarlan dan in tun nipui transfer bazar hman zawh takah khan player pakua lai mai Man Utd hnena offer anni.

Man Utd forward hlui tuna Barca tana khel mek Memphis Depay chu United hnena zawrh ni mahse manager Ten Hag an chuan Ajax lama a lo hrawn tawh Antony a lalut ta zawk. Chelsea a hmun nghet chang lo Christian Pulisic pawh Old Trafford lam pan tura tih ni mahse Stamford Bridge a cham a thlang.

Tin, Paris Saint Germain midfielder hlui tuna Juventus tana khel ta Leandro Paredes leh Barcelona defender hlui tuna AC Milan tan khel mek Sergino Dest pawh Red Devils hnena zawrh anni.

Anni ho mai bakah hian Yannick Carrasco (Atletico Madrid), Weston McKennie (Juventus), Thomas Meunier (Borussia Dortmund), Moses Caicedo (Brighton & Hove Albion) leh Lozano (Napoli) te pawh an tel.

Related Posts

error: Content is protected !!