Tottenham zawm loh avanga thinrim Bruno Fernandes

Manchester United star Bruno Fernandes chuan kum 2019-a Sporting Lisbon in Tottenham Hotspur an pantir loh avanga a thinrim thu a sawi chhuak.

Kan hriat angin Bruno Fernandes hian kum 2020 khan Manchester United a zawm a, a zawm atang Premiere League player che tha tak pakhat a rawn ni chho nghal. Mahse, United a zawm hma thla 6 vel awmah Tottenham a zawm hman tep niin report in a tarlang.

Sporting Lisbon tan a chet that em avangin Spurs leh Pochettino te chuan an duh a, kum 2019 summer lai khan Tottenham chuan Fernandes tan offer an rawn siam nghal. Khatih lai vel khan Bruno Fernandes pawhin Tottenham lama insawn a duh hle a, mahse, club lamin an chhuahtir mai bik si lo.

Hemi chungchangah The Athletic a hrilh dan chuan club in London club zawm an phalsak nghal loh avanga a thinrim thu leh an manager chauhvin a thlem theih thu a sawi.

“Dik tak chuan Premiere League lama insawn kha ka duh tak zet a, Spurs manager Pochettino hi min duhtu a ni a, an offer rawn siam pawh kha a tha thawkhat viau, mahse, club lamin min chelh hram hram kha an tum ve tlat bawk.” tiin Bruno Fernandes chuan a sawi.

“Club president Frederico Varandas chuan min bia a, mahse, min biak ni kha a fuhlo hle. Min biak ni hi Tottenham offer an hnawl atanga nikhatna chiah a ni a, ka thinrim tak zet.”

“Vanneihthlak takin manager Marcel Keizer chu a hun dik takah a rawn inlan a, Tottenham lamah ka kal duh tih chu a hrethiam vek nghal. Offer lian tham a ni a, Premiere League lama khelh chu ka dream ve thin a ni, mahse, chu chu a thleng lo.” tiin a sawi bawk.

Mahse, kum 2020 kar khatnaah Manchester United manager Ole Gunnar Solskjaer chu Bruno Fernandes inkhel enturin Portugal-ah a kal a, a hnu lawkah Bruno Fernandes hi an la lut ta a ni.

Source SB

Related Posts

error: Content is protected !!