German midfielder Toni Kross chua all time Real Madrid five-a-side team player 5 awmna a thlang a, a teammate hlui Cristiano Ronaldo erawh a tel lo.
Kum 2014 July thla khan Toni Kroos hian Bayern Munich atangin Real Madrid hi a zawm a, kha tihlaia a man chu £25 million a ni. Real Madrid in UEFA Champions League nomawi vawi 3 lai mai a zawna an chawi tum pawh khan player pawimawh tak pakhat a ni. Real Madrid tan all competion ah match 323 a inlan tawh atangin goal 24 a khung a, assist vawi 70 a nei tling tawh a ni.
Toni Kroos hian Real Madrid five a side team a thlanah hian Real Madrid tana goal khung hnem ber Cristiano Ronaldo a telh lo a ni.
“A hmasa berah chuan Iker Casillas hi ka thlang ang, amah nena kan khelh dun hi a lawmawm tak zet, goalkeeper special tak ani. Defence lama ka first choice chu Roberto Carlos a ni defender mai piah lamah thil tamtak a ti thei. A ke veilamin goal tamtak a khung thei a ni. Brazillian dang ang thovin mi ropui tak a ni a, legend dik tak a ni.” tiin Toni Kroos chuan a sawi.
Kroos hian Zinedine Zidane leh Uli Stielike te a thlang bawk.
Engpawhnise a hnuaiah hian Toni Kroos Real Madrid 5 a side team te kan rawn tarlang e.
Iker Casillas
Roberto Carlos
Zinedine Zidane
Uli Stielike
Raul Gonzalez
Source SL