Tokyo Olympic Games kan nei thei ang – Japan PM

Japan prime minister Shinzo Abe chuan tun laia hri leng mek coronavirus chu hnehin Tokyo Olympic chu ruahman lawk anga neih theih a beisei thu a sawi a, infiamna khawnpui lian hi an kaltlang pui ngei dawn em tih erawh a la chiang lo thung.

Japan ramah hri leng hi mi 1,400 chuangin an kai tawh a, mi 28 chuan an thih pui. Olympic buatsaihtu leh Japan ram hruaitu lam chuan inelna hi neih tlang pui ngei an duh a, a hun pangngaia neih chu an duhthusam ber a ni.

Advertisement

Olympic hi a hun pangngaiah an nei thei lo a nih pawhin kumin chhunga neih ngei an duh. International Olympic Committee (IOC) nen an inremnaah pawh kum 2020 chhungin tih a ni a, nipui laia neih ngei ngei tur tih a ni lem lo.

Mahse, nipui lai hi infiamna tam tak chawlh lai a ni a, Tokyo Olympic pawh July thla tawpa nei ṭanin August thlaah a hmawr bawkna neih tur a ni ang. Pound tluklehdingawn 10.26 zet senna tur Olympic hi coronavirus vangin dinhmun chiri takah a ding mek a ni.

Advertisement

Japan PM Shinzo Abe chuan, “He natna leh a kaihhnawih hi kan hneh ang a, kan ruahmansa angin Olympic chu harsatna nei loin kan thleng thei ang,” a ti. Japan hi an inbuatsaih nasa hle a, khaw lum lutuk tur pawh tih ziaawm theih an inbeisei, stadium chhunga vur lem surtir pawh an tum hial.

Advertisement

Advertisement

Next Post

Kum 39 Anih Thlenga Khel Tur Cristiano Ronaldo?

Mon Mar 16 , 2020
Juventus superstar Cristiano Ronaldo chu a career-ah a hun hnuhnung lam a hmang tawh mahse, kum 39 a nih thleng […]