Tunah hian social hi football-ah a pawimawh tawh hle a, footballer ten social media platform hrang hrang an hmang hlawm a, he platform kal tlang hian an ngaihdan te an tarlang ve thin a ni, hei mai a ni lova, sum tamtak an hai lut bawk a ni.
TikTok hi tun hnai lawk atang social media platform lar tak pakhat a rawn ni chhova, footballer atanga hmang pawh an thahnem ve hle. Chhum lo chat lova post tawk pawh an awm ve nuk a ni. Tun tumah hian TikTok atanga sum la lut hnem zual football 5 te kan rawn tarlang ve leh dawn a ni.
A hnuaia an hlawh kan rawn tarlan tak hi vawi khat post an siama an hlawh chu a ni.
5. Vinicius Junior – $15.5k earnings per post
Kum 2018 khan Vinnicius Junior hian Real Madrid a zawm a, Real Madrid fan te atang social media lamah follower awh a nei ve nual.
Kum 21 a upa Vinicius Junior hi hma a sawn chho zel a, follower 3.1 million lai neiin, post vawi khat a siam hian $15.5 k hlawh ziah ang a ni.
4. Ronaldinho – $16.5k earnings per post
Kum 2003 leh 2006 inkar vel kha chuan khawvel player tha ber pakhat a ni a, sum pawh a hailut hnem hle. Ronaldinho hian pitch chhungah a skill nei that zia te a pholang thin a ni.
Ronaldinho hi football khawvela lar pawh tak pakhat a ni a, TikTok lamah pawh a lar hle, tunah hian follower 3.3 million vel neiin, vawikhat post a siam hian $16.5k hlawh ziah ang a ni.
3. Alphonso Davies – $20k earnings per post
Canadian international Alphonso Davies hi Bayern Munich tan player pawimawh tak pakhat a ni. Tiktok lamah 4 million vel follower neiin, vawikhat post a siam hian $20 k hlawh ziah ang a ni.
2. Robert Lewandowski – $21.5k earnings per post
Kum 3 liamta vel atang khan khawvel striker tha ber pakhatah a inchhuah, Bayern Munich lama hun a hman chhung hian trophies tamtak a chawi tawh a ni. Tiktok lamah followers 4.2 million vel neiin vawikhat post a siam hian $21.5k a la lut ziah.
1. Sergio Ramos – $31k earnings per post
Footballer Tiktok atanga pawisa hmuhnem ber ani mek, a vawikhat post siamah $31k lai mai a hlawh a ni.
Source 90min