TikTok atang Ralf Rangnick’an Jesse Lingard chhuah tur thu a confirm

Manchester United interim boss Ralf Rangnick chuan TikTok kal tlangin Manchester United fans te hnenah Jesse Lingard a chhuah tur thu a confirm a, season zawh rualin a chhuak dawn niin a sawi bawk.

Kum 29 a upa midfielder Jesse Lingard’an Old Trafford lama contract a neih chu, tun season khelh lai a zawh rual hian a zo ve dawn a, vawiin ni thlengin contract thar chungchang a lang rih lo.

Season hmasa khan West Ham United lamah, season laihawl vel atang loan in a khel a, West Ham lamah khan a che chhe lem lo. Lingard hi tun January transfer window inhawn tan tirh atang khan Newcastle United nen sawi zawm a ni a, mahse, Newcastle United erawh a zawm dawn lo niin a lang.

Season tawp thleng United interim boss ni tur Ralf Rangnick chuan TikTok kal tlangin Jesse Lingard chhuah tur thu a confirm niin report in a tarlang.

German boss hnenah Jesse Lingard hmalam hun zawh a ni a, a ni chuan Lingard chu la awm rih turin a duh a, a player duh zawng tak a nih thu a sawi.

Rangnick’an autograph te a tih zawh hnuin, supporters te chu enin, ‘tun summer-ah Lingard hi a chhuak dawn’ tiin a sawi.

Jesse Lingard hi West Ham United lamah khan che tha viau mahse, Old Trafford lamah erawh duh angin a che tha thei tawh lova, a start tam lo hle.

Tun season khelh mekah match 14 a inlan tawh a, minute 273 chiah match ala khel rih a ni. Goal 2 a khung a, assist vawi khat a nei bawk.

Jesse Lingard hian eng club nge a zawm tak ang le? Ilo thlir zel phawt ang.

Source ALL FOOTBALL

Related Posts

error: Content is protected !!