Chelsea boss Thomas Tuchel chuan West Ham United laka an tlawm hnuin a player inhliam thar hming a sawi belh.
Chelsea hian Champions League match khel turin FC Zenit an hmachhawn dawn a, Chelsea hian next round an luh tawh avangin a player thenkhatte a chawlhtir ngei a ngai dawn a ni.
London Stadium-ah Chelsea an tlawm hnu khan Thomas Tuchel chuan a player pathum ten hliam annei thar niin a sawi. Chelsea hian season bul an tan tha hle a, mahse, an player thenkhatten hliam an neih zeuh zeuh avangin season tawp lamah an che tha lovang tih a hlauhawm khawp mai.
“Kai Havertz hi a inhliam na hle, Marcos Alonso pawhin kawngna a nei, hliam anneih avangin player dang pahnih pawh an chawl tawh. Engtikah nge N’Golo Kante hi a rawn kir dawn ka hre lova, Mateo Kovacic pawh kar 5 emaw kar 6 vel ala khel thei rih lovang. Jorginho pawh hian ni tamtak na a nei a, a chet dan atang i hmu thei ang.” tiin Chelsea boss Thomas Tuchel chuan a player hliam neite chungchang a sawi.
Nizan khan Chelsea hi West Ham United lakah tlawm mahse, an khel tha ang reng. Kar liamtaah velah kha chuan Chelsea hi table hmahruaitu niin point 6 lai maiin an sang fal a nih kha. Mahse, tunah erawh table-ah pathumna dinhmun an hauh. Pakhatnaah Manchester City awmin, point 35 an hlawhchhuak tawh a, Pahnihnaah Liverpool awm vein point 34 an hlawhchhuak ve bawk. Mahse, Table chung ber hauh turin game tamtak khelh tur ala awm.
Chelsea hian player inhliam annei nual a, a hmasa berah chuan Ben Chilwell niin ani hi Juventus an hmachhawn tumin a inhliam a, engtikah nge alo kir dawn tih a hriat loh.
N’Golo Kante pawh Juventus an hmachhawn tum tho khan a inhliam a, a kir hun tur ala hriat theih rih lo. Mateo Kovacic hi kar 5 emaw kar 6 vel chawl tura ngaih a ni.
Chelsea player hliam nei thar te chu, Kai Havertz, Jorgingo leh Alonso te hi anni.
SOurce SL