Nizan Bayern Munich leh Barcelona te an inkhel buai laiin misual tu tih hriat loh chuan Bayern Munich leh German star Thomas Müller in a rawk tih German chanchinbu lar BILD chuan a tarlang.

Nizan Champions League group C inkhel ah Bayern Munich chuan an home Allianz Arena ah Barcelona an lo mikhual a, mikhual team khel tha viau mahse goal a vannei zawk chu Bayern lam a ni. Julian Nagelsmann leh a nau te hian Hernandez leh Sane te goal hmang in 2-0 in Xavi leh a nau te an tukdawl.

Müller an a team te tanpui a a buai em em laiin a in lamah erawh misual tu tih hriat loh in nuam a lo tawl. BILD tarlan dan in September ni 13 zan dar 10 (India sana ah chuan zinglam dar 1:30) vel khan misual tu tih hriat loh in Thomas Müller in hi a rawk.

Police te atanga thu dawn dan in Müller in rawk tu hian lunghlu , pawisa (digit 6 aia tlem lo) leh thil hlu dang tam tak a la a, German Police te chuan he thil thleng hi chhui zui nghal ve bawk mahse tunah erawh han rinhlel tur mi âwm an la hre lo.

error: Content is protected !!