Thil pakhat vangin Paul Pogba’an Manchester United lama awm a duh rih – Report

Tun season khelh lai a zawh hnu pawhin Paul Pogba hian Manchester United lama la awm rih chu a duh maithei niin report in an tarlang. The Sun in a tarlan dan chuan United interim manager Ralf Rangnick chu United in manager pangaia an lak chauhvin Paul Pogba pawh la awm chhunzawm a duh niin an tarlang.

Man United-a Paul Pogba’an contract a neih hi tun summer lo awm turah hian a zo ve dawn a. United board lam pawhin an midfielder hi contract thar pek an tum nasa a, mahse, an hlawhtling thei rih lo niin an sawi.

Contract thar an pe theilo a nih chuan tun summer transfer lo awm turah hian a free in a chhuak thei dawn a, amah duhtu zingah Juventus leh Paris Saint-Germain an langsar hle. Mahse, The Sun chuan thil a inthlak thuai dawn niin an tarlang.

Hriat angin Manchester United chuan November thla khan an manager Ole Gunnar Solskjaer chuan banin, interim manager atan Ralf Rangnick an ruat ve nghal a ni. Tun season chhung atana ruat a nih avangin, tun season khelh lai a zawh hnu hian kum 2 chhung consultancy role angin a awm nghal bawk ang. Mahse, Rangnick hian hun harsa tak hmang mek Man United chu a chet that pui tih a hriat theih. Premiere League table-ah 4 na dinhmun an hauh mek a ni.

Hei vang hian, United board lam chuan Rangnick hi manager nghet angin an lak luh pawh a rinawm. Report in a tarlan zel dan chuan, Paul Pogba awm tir an duh avangin, an manager atan Rangnick hi ruat an tum niin a tarlang.

October thla khan Pogba chuan hliam a nei a, United in Premiere League match-a Burnley an hmachhawn hunah a rawn kir hman beisei a ni.

Rangnick hi United manager nghet atana ruat a nih chuan, Paul Pogba pawh United lamah contract thar a sign ngei a rinawm.

Source SK

Related Posts

error: Content is protected !!