Legendary Striker Thierry Henry chuan Karim Benzema emaw N’Golo Kante chu kumin Ballon d’Or dawng tura a rin ber thu leh phu ber annih thu a sawi. Frenchman chian player pahnih te hi kumin hian an che tha ber niin a ngai a, pakhat zawk zawkin Ballon d’Or an dawn ngei pawh a beisei.
Kan hriat angin kumin Ballon d’Or dawng tura hming langsar zual te chu Jorginho, Lionel Messi leh Robert Lewandowski te hi anni a. Mahse, Henry chuan anni erawh dawng tura a duh te anni lo. Anni pathum pawh hi dawn phu ve tho annih thu a sawi a, Mahse, a rampui player pahnih te a duhsak ber thung.
Nikum Ballon d’Or kha cancel lo se chuan Henry hian Lewandowski chu dawng turah a dah a. Kumin erawh Benzema emaw Kante hian dawng se tih a duh.
JDD (Journal du Dimanche) a hrilh dan chuan.
A tak takah chan tir dawn ta ila, Karim Benzema emaw N’Golo Kante te hian an dawn ngei ka beisei. Kum 2020 Ballon d’Or kha cancel chu ni lo se chuan Robert Lewandowski hian a dawng ngei ang le. Tun tumah hian Jorginho chungchang pawh kan sawi thei ang, a chhan chu engkimah hnehna a chang (UEFA Champions League leh Euro 2020) nomawi a chawi. Leo Messi pawhin Copa America nomawi a chawi bawk.” tiin a sawi
Source SL