The Best FIFA Men’s Player Award hi football khawvela mimal chawimawina hlu ber pakhat a ni a, Ballon d’Or nen hian an hlutna hi a inthlau lem lo. Bayern Munich striker Robert Lewandowski chuan kum 2020 award a dawng a nih kha.
Kumin pawh hian Robert Lewandowski hi dawng thei tura rinkai ber leh phu ber pakhat a ni, season liamtaah khan a che tha hle a nih kha.
BEST FIFA Men’s Player Award Voting Systam hi a danglam bik hle
Ballon d’Or winner tur hi journalists, National team captain leh Coache ten an thlang thin a. The Best FIFA Men’s Player Award voting system erawh a danglam deuh. Voters te hi categorize 4 a then a ni.
Best FIFA Men’s Player award hi National Team Coach, National Team Captains, ram tin atanga Media representatives te atangin an la a, hei mai bakah khawvel hmun hrang hranga fan te atangin 25% vote an la ve bawk.
Tunah hian Best FIFA Mens Player award sem hun tur kan hnaih zel a, rinkai te pawh an awm nuk tawh mai. Tun tumah hian October thlaa rinkai zual top 5 te kan rawn tarlang ve leh dawn a ni.
5 N’Golo Kante (France/Chelsea)
4 Karim Benzema (France/Real Madrid)
3 Jorginho (Italy/Chelsea)
2 Robert Lewandowski (Poland/Bayern Munich)
1 Lionel Messi (Argentina/Paris Saint-Germain)
Source SL