Chelsea defender hlui John Terry chuan Rob Wollaston chu player talent nei tha tak amaherawchu a laka an beisei ang tihlawhtling zo lo anih thu a sawi.
Kum 41 a upa English defender hlui hian Rob Wollaston chu player theihna sang tak nei ni mahse a rilru lam dawihzep avanga anih tur ang ni pha lo niin a ngai. Terry sawi dan hmangin Wollaston hian a hun tha neih chu vawi tam a bawhpelh a ni awm e.
”Chelsea ah Rob Wollaston tih mi pakhat a awm a, midfield leh wing a khel ve ve thei niin theihna sang tak a nei nghe nghe. Rob kha tun thleng hian ka la hria, a theihna leh thiamna phochhuak tur khan a rilru puthmang a dik tawk lo” tiin John Terry an Chelsea a player beiseiawm tak ni thin Rob Wollaston chungchanga sawi.
Chelsea captain hlui chuan sawi chhunzawmin,”Kum 17 emaw 18 vel anih khan first team player ho bula training turin koh a ni a, Gullit ngei pawh in a chet that em avangin cup game ah first team tana a inlan tur thu a sawi nghe nghe. Amaherawchu match kan neih ni takah Wollaston chuan phone call hmanga a dam loh thu a lo sawi. Kan vai khan khatiang hun tha ah kha chuan dam lo chung pawh in game kan khel duh mai ang. Khatiang hun tha kha a tu player mah in ho lam taka thamral tir kan rem ti lovang. Dik taka sawi chuan khang a hun tha neih kha vawi 2/3 lai chu a pawhbelh a, a rilru lam khan game puitling zawk khel turin a zuam lo a ni ber. Mahse a theihna ngawr ngawr kan en anih chuan, bawn tak a ni” a ti.
Huaisen takin a hmaa thil awm kha hmachhawn ngam nise mi tam takin Wollaston hming hi kan hre fur tur. Thiamna leh theihna sang tak nei ni mahse a rilru lamah huaisenna a tlakchham avangin a talent hlu tak chu a thamral tir a ni ber.