Zanin Leicester City leh Chelsea khelhah Chelsea chuan 3-0 lai maiin hnehna an chang a, Premiere League table-ah point 6 laiin pahnihna Manchester City ai an sang fal mek.
Premier League
Result: Leicester City 0-3 Chelsea
Date: 20 November 2021
Venue: King Power Stadium
Zanin inkhelhah Chelsea lam hian an striker Romelu Lukaku an la chhawr thei rih lova, Kai Havertz chu striker-ah khelh tir a ni, Ben Chilwell pawh a club hlui lakah start tir a ni bawk.
Chilwell hian goal a khung teuh leh hle a, minute 10 velah Mason Mount chuan Chilwell chu ball tha zetin a pe a, cross bar-ah a pet per a ni.
Chelsea lam hian goal an khung hma ang reng a, minute 14 naah Chilwell chuan corner petin, Antonio Rudiger chuan a lu hmangin a ti goal a ni.
Leicester City lam atangin Ademola Lookman chuan goal khung mahse, a offside avangin pawm a ni lo. Chelsea lam hian ball an chang tam hle a, minute 28 na velah Leicester City player hlui N’Golo Kante chuan ball tlan puiin goal-ah a khung a ni.
Zanin inkhelah Chelsea lamin ball an thunun hneh hle a, Leicester City an che hlei thei lo. First half ah 2-0 in Chelsea lamin hma an hruai.
Rodgers chuan second half tan rualin Harvey Barnes leh Lookman la chhuakin James Maddion leh Kelechi Iheancho a luh tir nghal. Second half tan hnu lawkah Daniel Amartey chuan kawh zetin goal shot a nei a, mahse, Chelsea goalkeeper Edouard Mendy’an tha zetin alo dang leh a ni.
Second half-a rawn lut Christian Pulisic chuan goal a khung a, ball siam sak tu hi Second half a rawn lut bawk Hakim Ziyech a ni.
Tun Season Premiere League zet zawng Chelsea an che tha ang reng a, Kan hriat angin Chelsea hian squad an nei chhah hle. An champion lovang tih pawh a sawi theih loh.
Source SL