Ole Gunnar Solskjaer an ban hnuah Michael Carrick chu interim coach atan ruat a ni, Carrick hian tun season chhung Manchester united a enkawl mai thei. Super computer in Man utd match khelh tur match 10 a predict a, enge an an tak zel ang le.
Manchester United hian season thar UEFA Champions League khelh theih ngei an duh tak tak a nih chuan bul an tan that viau a ngai dawn.
Red Devils in Premiere League games hnuhnung pasarih an khelh atangin vawi khat chiah hnehna an chang thei a, table-ah pariatna dinhmun heuh mekin League hmahruaitu Chelsea chu point 12 lai maiin an pha tawh lo.
An form chhiat avangin an manager Ole Gunnar Solskjaer chu bantir a ni a, a assistant Michael Carrick chu United caretaker boss atan an ruat.
Red Devils midfielder hlui Michael Carrick hian engtia rei ngei United hi a enkawl dawn tih a hriat lova, supercomputer in a predict dan chuan Michael Carrick hian a chet that pui viau dawn niin a lang.
Manchester United match 3 khelh tur erawh Super computer hian a predict lova, an hmachhawn tur hi Villarreal, Chelsea leh Arsenal te anni. Super computer chuan Chelsea hneh theihna chance 17 percent chiah annei niin a predict.
Villarreal hneh theihna chance 41 percent an neih thu a tarlang. Tun season Champions League khelh mekah an inhneh tawk hle. Arsenal hneh theihna chance hi 48 percent annei niin a predict bawk.
Supercomputer in a tarlan dan chuan Manchester United match khelh tur all competion match 10 atangin vawi 6 lai hnehna an chang dawn niin a tarlang a, tun season chu an him hram dawn niin a tarlang.
Crystal Palace hneh theihna turin chance 63 percent an nei a, Champions League lamah Young Boys hneh thei turin 72 percent an nei bawk.
Norwich hneh theihna chance 58 percent annei a, Brenford hneh theihna chance 56 percent, Brighton hneh theihna chance 49 percent annei bawk a ni.
A chunga game zawng zawng an khelh zawh hnu hian Newcasle United an hmachhawn dawn a, hneh theihna chance 58 percent neiin, an home ah Burnely an hmachhawn leh anga hneh theihna chance 72 percent an nei leh bawk.
Manchester United hian match 10 an khelh atang vawi 6 hnehna chang mahse, Champions League an khel thei dawn nge dawn lo tih ala chiang lo.
Source Mirror