Suarez an free transfer in River Plate zawm dawn

Spain a report tarlan dan in Liverpool leh Barcelona striker hlui Luis Suarez chuan free transfer in River Plate a zawm dawn.

Kum 35 a upa Uruguayan striker hian tun thla tawp ah Atletico Madrid a a contract neih lai a hmang zo dawn a, a thlawn in Spanish club a chhuahsan thei ang.

Chanchinbu lar Mundo Deportivo chuan Luis Suarez club thar tur chu River Plate niin karleh thawhtan ah emaw thawhlehni a lut fel turin a tarlang.

Ibiza a a thian Messi leh Fabregas te nena chawlh hmang mek tu Luis Suarez hian River Plate sawmna a la chhang lo niin media thenkhat te’n an tarlang ve bawk.

Suarez hian khup hliam nei mek mahse River Plate boss Marcelo Gallardo an a dinhmun chu a that zel a beisei thu leh Suarez chu player tha leh challang tak anih thu a sawi.

Chawlhni liam ta a River Plate in Lanus 2-1 a an hneh hnuin River Plate manager chuan Uruguayan striker Luis Suarez leh Colombian striker Miguel Borja te lakluh an tum thu a sawi. ”An pahnih a lakluh theih dan kawng a awm maithei a, an pahnih atanga pakhat zawk lakluh chu chiang sa ah ka ngai, kan lalut thei anih chuan kan squad a chhah sawt ngei ang. Suarez hi player tha tak ani a, tuna a khup hliam hi a dam thuai pawh ka beisei. Hlawhtlin duh in a tuihal a, tumna sang tak a la nei bawk, chu chu thil tha tak ani” a ti.

Luis Suarez hian season hmasa khan Atletico Madrid tan league game 35 inlan in goal 11 leh assist vawi 2 a nei. Tin, a football zinkawng ah club leh ram tan goal 500 chuang a khung tawh bawk.

Related Posts

error: Content is protected !!