Sterling leh Dembele duh tu Chelsea

Tun nipui transfer bazar a sum hman tur ngah Chelsea in an forward lam tichak turin Manchester City forward leh Barcelona winger Raheem Sterling leh Ousmane Dembele te lakluh an duh.

Tuchel an Chelsea tan Sterling leh Dembele te chu an that a ring a, player pahnih te chungchangah club nei tu thar Todd Boehly chu inbiakna neih pui a duh. American Billionaire Todd Boehly hian kar hmasa khan Ronaldo agent Jorge Mendes chu Portugal ah tun nipui transfer bazar a player che sawn thei tur deuh te a sawipui.

Erling Haaland leh Julian Alvarez te Etihad an pan avangin, Raheem Sterling leh Gabriel Jesus te chu City chhuahsan tura ngaih anni. Kum 27 a upa English international Sterling hian Etihad ah kum khat bak contract a nei tawh lova, City lamin an forward chu £60 million vel a hralh an pawi tilo.

Dembele hma hun erawh a chiang lo hle a, Camp Nou a a contract neih lai hmang zo tawh mahse manager Xavi an chhuah tir a la phal lo. French international pawh hian chhuah tumna nei lem lo mahse contract thar a ziak dawn anih chuan tuna a kartin hlawh £1,50,000 aia tlem a hlawh tawh ang.

Tuchel hian defense lam pawh thawmthat a tum hle a, Sevilla centre back Jules Kounde leh leh Juventus defender Matthijs de Ligt te chu a lakluh duh zinga mi anni.

Related Posts

error: Content is protected !!