Squad hlu ber top 10 – CIES Football Observatory

CIES Football Observatory chuan khawvela football club squad hlu zual top 10 a tarlang leh ta a, heng top 10 zingah hian Premier League club paruk lai awm in Spanish club pathum leh Ligue 1 club pakhat te an awm ve bawk. 2022 club squad hlu zual top 10 ah Serie-A leh Bundesliga lam team hmuh tur an awm lo!

Premier League big six kan tih Manchester City, Manchester United, Liverpool, Chelsea, Arsenal leh Tottenham Hostpur te squad hlut zawng belhkhawm hi £4.1 billion a tling a, pui hem hem tak a ni!

Tin, Laliga team pathum Real Madrid, Barcelona leh Atletico Madrid te squad hlut zawng belhkhawm hi £1.5 billion a tling a, Ligue 1 club hausa Kylian Mbappe, Neymar te Lionel Messi te kawl tu PSG squad hlut zawng hi £730 million niin top 4 ah an awm bawk.

Tun hnaiah Premier League club te’n player lakluh nan sum an hmang nasa a, transfer bazar liamta ah khan Premier League club sum sen zawng zawng belhkhawm chu £1,92 billion vel a ni. Tin, neitu thar nei Chelsea chu tun transfer bazar khan Europe khawmualpuia sum thehchhuak hnem ber anni bawk.

Transfer bazar a sum hmang tam Premier League club te’n squad hlutna an nei nasa a, CIES Football Observatory chuan football club squad hlu zual top 10 a English team 6 lai a telh hi a mak hran love.

Squad hlu ber Manchester City squad hlut zawng hi £917 million hu niin, transfer bazar liamta ah khan Erling Haaland (£51 m), Kalvin Phillips (£45m), Sergio Gomez (£11m) , Manuel Akanji (£15) leh Stephan Ortega (free) te chu an player lakluh thar te anni.

Pahnihna dinhmun luah tu Manchester United squad hlut zawng hi £863 million hu a ni a, tun transfer bazar khan player thar Antony (£84.5m), Casemiro (£70m), Lisandro Martinez (£55m) leh Tyrell Malacia (£13m) te chu sum senga an lakluh te anni.

A pathumna ah hian Chelsea an awm a, Sky Sport tarlan dan in Chelsea hian tun nipui bazar khan £287 million an hmang tling a, chu chu Premier League sum sen zawng zawng 13% vel a ni. Wesley Fofana (£70m), Marc Cucurella (£62m), Raheem Sterling (£50m), Kalidou Koulibaly (£34m) leh Pierre-Emerick Aubameyang (£10.3m) te’n man neiin tun transfer bazar khan Stamford Bridge an pan.

Related Posts

error: Content is protected !!