Kan hriat angin zanin khan Chelsea team te chu Tottenham Hotspur lakah an tlawm leh a, a zawnin match 6 lai maiah hnehna an chang thei tawh lo a ni, hei vang hian Chelsea fans te chuan an manager atangin Graham Potter chu bang turin an duh.
Season tan tirh deuh khan Chelsea chuan an manager thar niturin Graham Potter hi Brighton atangin an la lut a, mahse, duh ang leh beisei angin thil a thleng tlat lo.
An manager chhawmdawlna atan January transfer window khan player thar lak luhna atan sum tamtak an seng ve ngei bawk a, mahse, vawiinni thlengin ala che tha hlei thei lo, player tha nei ve nual tawh mahse, an la che chhe chhunzawm zel a ni.
Kar hmasaa Southampton laka an tlawm tum phei kha chuan Chelsea fans tam takin Chelsea manager tawh zawng zawng zinga manager chhe ber ni te pawhin an sawi nghe nghe.
A zawna mach 2 an tlawm hnuah Spurs chu Tottenham Hotspur stadium-ah an hmachhawn a, mahse, 2-0 in an tlawm leh ta a ni. Minutes 46 naah Oliver Skipp chuan goal Spurs tan goal 1 na a khung a, hun tawp dawn lamah Harry Kane chuan goal 2 na a khung ve leh a ni.
Social media lamah Chelsea fans te lungawi lohna hmuh tur a awm nual a, Chelsea fans tam zawk te chuan an manager chu bang turin an duh a ni.
Fan pakhat chuan, “Graham Potter hi Chelsea Football Club history-a manager chhe ber a ni. Tunah ban nghal rawh se, tunah ban nghal rawh se.” tiin a sawi.
Fan pahnihna, “Todd Boehly’an Thomas Tuchel a ban a, Graham Potter chu manager atan a thlang a, mahse, manager ruat tawh zawng zawng zinga chhe ber a ni.” tiin a sawi ve bawk.
Fan pathumna chua,”Potter hian Mudryk, Madueke leh Aubaameyang te bench-ah a thuttir a, Havertz leh Mount a khelh tluan tir zel” tiin a sawi.
Fan palina chuan, “Quality player tha tak kawl chung pawhin beisei an phak theih lo, He ka club atang hian Potter chhuak rawh. Tunah hian chhuak nghal rawh tiin a sawi a ni.”
Chelsea hian tun season Premiere League khelh mekah match 24 an khelh tawh atangin point 31 chiah an la hlawhchhuak a, top 4 a awm Tottenham hi points 14 lai maiin an hlat mek a ni.
Source SB