Tottenham Hotspur chuan an star striker Harry Kane man tur an sawi niin report in a tarlang.
Hriat angin England international hian major trophy chawi duh vangin club lamah chhuah a duh thu a sawi niin media hrang hrang ten an tarlang.
Kum 27 a upa Harry Kane duhtu zigah hian Manchester City, Manchester United leh Chelsea te an rawn lang nghal pang a, England pawn lamah chuan a chhuah a rinawm lo a ni.
London club hi a chhuahsan dawn tak tak a nih chuan, Spurs chairman Daniel Levy’an Harry Kane man a tan hian a tlem berah £150 million tal a duh niin The Sun chuan an tarlang.
Kar liamta velah kha chuan Harry Kane man atan pawisa mai bakah player pek belh tur anga sawi a awm a, mahse, Spurs lam chuan Harry Kane man atan hian pawisa (cash) chauh an duh niin an sawi.
Kane’an Spurs chhuahsan a tum vang hian chairman Levy pawh a lungawi vak a rinawm lo, mahse, sum lak luh nan erawh Harry Kane hi a hman a duh dawn niin a lang.
Premiere League team atang £150 million lai maia Harry Kane la luttu an awm a nih chuan, Premiere League history-ah player man to ber a ni thei dawn a ni. Kum 2016 khan Manchester United chuan Juventus atangn Paul Pogba chu £105 millionan in an la lut a, vawiin ni thlengin Premiere League player man to ber a la ni mek. Harry Kane hian khum thei tak ang maw?
Source SL