Spain Squad-a tello Sergio Ramos a lawm lo

UEFA Nations khel tur Spain chuan an squad hnuhnung ber an tarlang a, mahse, Paris Saint-Germain defender Sergio Ramos chu Spain squad-ah hian telh a ni ve lo.

Spanish publicationa Mundo Deportivo tarlan dan chuan Luis Enrique 23 man squad-ah a tel ve loh avangin Ramos chu a lawm lo hle niin an tarlang.

Kan hriata angin season hmasa khan Ramos hian hliam a nei nasa em em a, game pawimawhah a inlan lo nual a ni. Mahse, tun season-ah erawh hma a rawn sawn chho viau, fitness lamah pawh a tha pangai tawh niin a lang, tun season khelh mekah pawh hian Paris Saint-Germain tan League match 8 an khelh tawh atang match 7 lai maiah a inlan tawh a ni.

UEFA Champions League group match an khelh zawng zawngah minute 90 a khel zo thak thak a, Luis Enrique squad-a a tello hi mi tamtakin mak an ti hle a, amah ngei pawh a lungawi lo niin a lang.

Kum 36 a upa Ramos hian Spain tan match 160 lai mai alo khel ve tawh a, 2022 FIFA World Cup tournament hi Spain tan a khel thei leh anih chuan atan chuan a tawpna tur anih a rinawm.

UEFA Nations squad-ah tello mahse, 2022 FIFA World Cup November thla-a khelh turah khi chuan Ramos hian Spain khelh ngei a tum dawn niin an sawi a, chumi tur chuan tun aia nasa zawka tan a lak tur thu an sawi bawk.

Spain tana a khelh hnuhnung ber chu nikum March thla kha  ni. World Cup-ah hian SPain tan khel thei tak ang maw?

Source SL

Related Posts

error: Content is protected !!