Sorkarin kum 65 chung lamte pawn chhuak lo turin ngen

Sorkar laipui chuan ram­chhungah hri leng, Covid-19 a darh zel avangin he hri laka an him theihna turin kum 65 chung lamte leh naupang kum 10 hnuai lamte chu pawn chhuak lo a, in lama tawm rih turin a ngen. 

Khawvel ram hrang hranga hri leng kai leh hri avanga thi tam ber hi kum upa lam an ni. Hei vang hian sorkar chuan kum 65 chunglamte chu sorkar hnathawk emaw, doctor emaw, mipui aiawhte emaw an nih loh chuan pawn chhuak rih lo turin a ngen. Hemi chung­changa hriattirna hi state sorkar tinte’n an tichhuak dawn tih a sawi. 

Advertisement

Sorkar chuan March 22 aṭangin kar khat chhung chu international commercial passenger flight tihtawp a ni dawn tih a sawi bawk. Railways leh civil aviation chuan zirlai, damlo leh divyang category tan tih loh service an suspend rih dawn bawk. 

State tinte chu private-sector hnuaia thawk, emergency/essential service tih lohte chu in lam 

Advertisement

aṭanga thawh tir dan ngaihtuah tura tih an ni bawk. Central sor­kar hnuaia hnathawk, Group B leh C-te  pawh chawlhkar inchhawka kal tura tih a ni dawn tih sorkar thuchhuah chuan a tarlang bawk.

India-ah Covid-19 kai 180 awm tawh

Advertisement

India ramah nimin khan Covid-19 kai thar mi 11 an awm belh a, heng mite nen hian he hri kai hi mi 180 an awm tling tawh a ni. 

Hri kai mi 180 zingah hian ram dang mi 32 an telin, Italy mi 17, Indonesia mi pasarih, Philippines mi pathum, UK mi pahnih bakah Canada, Indonesia leh Singapore mi pakhat ṭheuh an awm. 

Covid-19 vang hian India ramah mi pali – Delhi, Kar­nataka, Punjab leh Maharashtra-ah an thi tawh a ni. Hri kai enkawl dam, damdawiin aṭanga chhuah tir mi 16 an awm bawk.

Advertisement
Advertisement

Next Post

Lionel Messi Hlawh A Pung Dawn?

Mon Mar 23 , 2020
FC Barcelona superstar Lionel Messi hi tunah hian Camp Nou lamah hlim vak lo mahsela, club lam chuan Ballon d’Or […]