Manchester United manager Ole Gunnar Solskjaer chuan, Paul Pogba nena an inbiakna a sawi chhuak, kan hriat angin tunlai vel hian Pogba chungchang sawi a tam hle a nih kha.

Paul Pogba chuan tun season khelh mekah hun harsa tawng mahse, France tana khelh chu boruak thianghlim tak hip ang a ni tiin a lo sawi a.

Pundits tamtak leh players hlui thenkhatten Manchester United lamin Pogba hi hralh chhuak rawh se tia sawitu pawh an awm nuk a, mahse, Solsjkjaer chuan Pogba hian international break tha taka a hman hnu hian hma a sawn ang tiin a sawi a ni.

“Paul Pogba hian season hmasa ang tho khan, tun season pawh harsa a ti hle” tiin Man United coach Solskjaer chuan a sawi niin, Manchester Evening News ten an tarlang.

“France tan games 3 a khel a, France chu a tanpui nasa hle, a infit leh tawh a, tunah chuan a tha takin a che chho zel thei ang”

“Paul hi ka bia a, Portugal leh Sweden game an khelh tawp lamah pawh a la chak tha hle, a khel tha a, an qualify tak zet mai”

“Tunah chuan hmasawn chauh a tih tur a ni tawh niin ka ngai. Ka sawi tawh angin Paul hi player pawimawh tak a ni a, kan tan mi pawimawh tak a ni, a khelh that zel theih a, a hlim zel theih ka beisei tha taka kan tan tlan ho theih ka ring” tiin Ole Gunnar Solskjaer chuan a sawi.

Source SL

Please follow and like us: