Sir Alex Ferguson khan Manchester United kha kum 26 chhung teh meuh mai a enkawl hman a, Premiere League-ah ro a rel pui a ni. Mahse, ama sawi danin United lama hun a hman chhung zawng khan World Class player 4 chiah a kawl thu a sawi chhuak.
Premiere League history-a manager tha ber anga an sawi thin Ferguson khan Manchester United a chet that pui hle a, league bikah phei chuan ro a rel a ni.
Sir ALex Ferguson chuan a dam chhungin Manchester City in Red Devils hi an umpha lovang tiin alo sawi tawh a, mahse, kar hmasa khan Pep Guardiola leh a naute chuan United an hneh leh hlauh anih kha.
Kum 26 chhung teh meuh mai Manchester United a enkawl chhung khan Fergie hian khawvel player tha tak tak a kawl a, Peter Schmeichel, Rio Ferdinand, Gary Neville, Roy Keane leh Wayne Rooney te hi a tha zual te chu anni, hei mai bakah all time XI-ah pawh lang pha ve zak zak anni hlawm.
Amaherawhchu, kum 80 a upa Ferguson chuan heng a chunga kan tarlan player te hi world class player-ah a ngai tlat lo mai.
Aberdeen manager hlui Ferguson chuan Red Devils a enkawl chhungin world class player pali chauh a kawl thu a sawi.
“Kum 26 chhung teh meuh mai Manchester United ka enkawl lai a, ka tana che tha tak tak player ropui te kha ka enhniam lova, ka sawisel lo bawk. Mahse, world class player pali chiah an awm, chungte chu Eric Cantona, Ryan Giggs, Cristiano Ronaldo leh Paul Scholes te hi anni.” tiin Ferguson chuan a sawi.
Source SB