Sir Alex Ferguson hi football history-a manager ropui ber pakhat anga sawi thin a ni. Tlawm duh ngailo nun nei a ni a, bei fan fan thin a ni. Hei vang hian a managerial career-ah hlawhtlinna hrang hrang a chan phah hial a ni.
Manchester United manager anga a awm kha hriat reng a ni tawh dawn a, Red Devils tana a thil tih tawh zawng zawng hi mi tamtakin an tih theih kher a rinawm lo a ni.
Sir Alex Ferguson khan Goalkeeper quality nei tha tak tak a nei
Premiere League nomawi chawi thi thil awlsam a ni lo tih chu kan hre fur awm e, mahse, Sir Alex Ferguson khan vawi 13 lai mai United alo chawi pui tawh a ni. Amah avangin Manchester United hi club ropui annihna a zual phah sawt.
Career ropui tak a hman chhung hian goalkeepers tha tak tak a kawl a. Club in hlawhtlinna a channa kawngah an vai maiin an pawimawh vek mai. Engpawhnise, tun tumah hian Sir Alex Ferguson hnuaia khel goalkeeper tha zual top 5 te kan rawn tarlang ve leh dawn a ni.
5 Tim Howard (Manchester United)
Kum 2003 khan Tim Howard MLS club Metro Stars atangin an la lut a. Kha tih lai khan Fabien Barthez chu Marseille lamah loana a chhuah vangin American goalkeeper Howard hian a hmun a luah thei a ni.
Sir Alex Ferguson hnuaiah match 77 a inlan hnuin, kum 2006 khan Everton lamah a insawn a ni. United lama hun a hman chhung khan FA Cup nomawi leh Football League Cup nomawi vawi khat ve ve a chawi pui.
4 Fabien Barthez (Manchester United)
French goalkeeper hi Manchester United lamah season 3 chhung hun alo hmang ve hman a, kum 2000 khan AS Monaco atang Red Devils hi a zawm a ni. Barthez hian Peter Schmeichel a thlak, Peter hian Sporting Lisbon a zawm thung a ni.
Sir Alex Ferguson hnuaiah match 139 lai inlan hman a, Premiere LEague nomawi vawi 2 a chawi pui hman bawk. Kum 2003 khan Marseile a zawm a, football a chawlhsan hnuah motorsport racing lam a luhchilh leh a ni.
3 David de Gea (Manchester United)
Sir Alex Ferguson chuan kum 2011 khan David de Gea hi Atletico Madrid atang a la lut a, a player lak luh zinga tha ber pakhat a ni.
Ferguson hnuaiah match 80 a inlan hman a, Premiere League nomawi vawikhat a chawi pui hman.
2 Edwin van der Sar (Manchester United)
Kum 2005 a Sir Alex Ferguson’an kum 35 a upa Edwin van der Sar chu FUllham atanga lak luh a tum lai khan, mak an ti hlawm hle a, zawhna pawh a tam ang reng. Mahse, hun alo kal zel chuan United goalkeeper ropui ber pakhat a rawn ni ta der mai.
A kum upa tawh viau mahse, Sir Alex-a hnuaiah khan match 266 lai mai a inlan hman a ni.
Premiere League nomawi 4 leh UEFA Champions League nomawi 1 a chawipui hman.
1 Peter Schmeichel (Manchester United)
Kum 1991 khan Manchester United chuan Brondly atang Peter Schmeichel hi an la lut a, Manchester United history-a goalkeeper ropui ber pakhat a ni.
Sir Alex Ferguson hnuaiah match 381 lai inlanin, Premiere League nomawi 5, FA Cup nomawi 2, UEFA Champions League 1 a chawi pui a, Danish Football of the Year atan vawi 2 lai thlan tlin a ni, hei hi Sir Alex hnuaia a khelh lai ve ve a ni nghe nghe.
Source SL