Paris Saint-Germain lak luh thar Sergio Ramos chuan French superstar Kylian Mbappe chu tun summer-ah hian la awm chhunzawm rih se tih a duh thu a sawi. Kum 22 a upa Mbappe hi kum hmasa lam atang tawh khan Real Madrid lama insawn tur angin sawi a tam hle. Tunah hian PSG-ah kum khat daih contract ala nei mek.
Tun thla tir khan PSG chuan free transfer in Real Madrid lama contract hmang zo Sergio Ramos an la lut a. French club lian tan kum 2 daih contract a sign niin an puang.
Paris Saint-Germain hian Moroccan wing back Achraf Hakimi chu Inter Milan atang €70 million lai maiin an la lut tawh a. Italian goalkeeper Gianluigi Donnarumma pawh an la lut hnai niin reports in a tarlang.
2020-21 seasn-ah khan PSG boss Mauricio Pochettino’an a chet that pui vak lova, Ligue 1 table-ah pahnihna dinhmun an hauh a, Lille lamin nomawi an chawi. Champions League lamah pawh Manhcester City in semi finals-ah an pet thla bawk.
Argentina manager hian a squad thuam chak chu a tumruh hle a. French forward Kylian Mbappe pawh la awm tir rih a tum dawn niin an sawi. Kylian Mbappe hian season khelh zawh takah khan all competion-ah PSG tan match 47 inlanin goal 42 lai a khung thei a, tunlai football khawvela forward tha ber pakhat a ni mek.
Nikum lam atang khan Real Madrid nen sawi zawm anlo ni tawh a, tunah pawh hian sawi zawm reng an la ni a, PSG ah kum khat contract la nei mekin, tun summer-ah hian a chhuah ngei ringtu pawh an thahnem hle.
Sergio Ramos chuan Kylian Mbappe chu PSG lamah la awm rih se tih chu a duh.
“Mi tuemaw thil tih tur han hrilh hi ka ngam lo, ka experienced neih tawh atang private takin thurawn ka pe ang. PSG ah hian la awm rih se tih chu ka duh, a chhan chu player tha tak nena khelh hi ka duh. Awm chhunzawm emaw chhuah i tum a nih chuan, mimal thil a ni e” tiin Ramos chuan a sawi.
Source Sportskeeda