Hriat tawh angin Sergio Ramos chuan Real Madrid a mangtha tawh a, Los Blancos-ah kum 16 chhung teh meuh mai a awm chhungin trophies 22 lai mai a chawi hman a ni. Report thar berin a tarlan dan chuan a khelh lehna tur club pawh a chiang chho zel niin a lang.
Kum 35 a upa Sergio Ramos chuan kar hmasa khan Real Madrid nen an inthen tawh thu a sawi. Los Blancos tan match 671 lai a khel hman a ni.
A chhuahtur thu puan a nih hnu lawk khan Ramos pawhin press conference-ah club a mangtha a, contract dang pawhsei duh hle mahse, club lamin offer an pek tawh loh thu a sawi.
Amah duhtu zingah hian Manchester United, Manchester City leh Ligue 1 club lian Paris Saint-Germain an langsar hle a, AS in a tarlan dan chuan French club Paris Saint-Germain hi UEFA Champions League vawi 4 chawitu Sergio Ramos la tur zingah an langsar ber tawh niin an tarlang a, anni hian Ramos hnenah offer an pe tha ber niin an sawi.
Spain legend Sergio Ramos hian kum 2005 khan Sevilla a zawm a, mahse, thla thar (July ni 1) khian Real Madrid a chhuahsan ve tawh dawn a ni.
Source Sl
Read More (2020 Euro-ah Italy hi an champion thei mai lovang maw?)
Italy hi Euro an khelh tan hma kha chuan European Championship a champion tura rinkai zingah an tel lo ti ila kan sawi sual awm lo ve. Mahse, game 2 an khelh hnu atang khan Azzuri hi mi tamtakin champion tura an rin ber pakhat a ni. An chet danah sawiselbo anni ti ila a dik ang.
Robert Mancini enkawlna hnuaiah Italy in hma an sawn hle a, Euro 2020 match hmasa berah Turkey hmachhawnin 3-0 lai maiin hnehna an chang nghal. Game hnihnaah Switzerland 3-0 in an hneh leh bawk a, Switzerland an hneh hnu hian Last 16 an lut nghal a ni.
Nizan khan Group A match hnuhnung berah Wales an hmachhawn leh a, 1-0 in hnehna an chang. Wales lam hi tlawm mahse, Knockout stage an lut hram. Group A table bikah hian Italy in point 9 lai an hmu a, goal an chhuah lova, goal 7 lai an khung thung.
Pahnihnaah Wales awmin points 4 an hmu, Switzerland nen point 4 ve ve hmu mahse, goal difference ah goal 1 in Wales an san zawk avangin an tlang ta a ni.
Tun hnaiah Italy hi an che tha hle, International match 29 an khelh tawh atangin tlawmni hmel an la hmu lova, goals 31 an khung laiin, goal an chhuah lo. Game hnuhnung 10 ah cleansheet an nei.
Italy hian player an nei chhe zawk zawk lova, attacking lamah Ciro Immobile leh Lorenzo Insigne awmin, Turkey nen an khelh tumah khan goal 1 ve ve an khung. Switzerland nen an khelh tumah khan Manuel Locattelli’an zawm vein, a tha hle.
Defender lamah pawh an duai lo, Georgio Chiellini leh Leonardo Bonucci awmin, a laiah game control tu Locatelli, Jorginho leh Barella te an awm bawk.
Tuna a landanah chuan Champion tura rinkai ber anni mek. Mahse, Champion tur chuan team lian an awm nuk a, France, Portugal, Germany, England leh Belgium teah hian pakhat tal an hmachhawn ngei a rinawm. Tuna an khelh dan a an khel zel thei a nih chuan an champion lovang tih a sawi theih loh.
Round of 16-ah hian Ukraine a nih loh chuan Austria an hmachhawn ngei a rinawm, Round of 16 hi chu tlang saah dah ta ila, an tan kawng a eng hle a ni.
Engpawhnise, ilo thlir zel ang.