FC Barcelona forward Sergio Aguero chuan Manchester City lama training routine leh Catalan club lama training routine inan lohna a sawi. Kan hriat angin Sergio Aguero hi tun summer transfer lai khan Barcelona lamah a insawn a, Barcelona tan ala inlan rih lo a ni.
Kum 33 a upa Aguero chuan Barcelona leh Manchester City training inan lohna a sawi a, Manchester City lamah chuan training tan hma darkar khat leh a chanve vela an thil tih leh Barcelona lama an thil tih chu a inang lo hle niin a sawi.
“Manchester City-ah kha chuan, training hma darkar khat leh a chanve vel awmah gym-ah emaw thil dang pawh nise kan ti thin a, mahse, FC Barcelona-ah chuan engkim mai a chawl vek, gym velah tumah hmuh tur an awm lova, a tha lo hle,” tiin Sergo Aguero chuan Twitch Streamer ah a sawi nin SPORT in an tarlang.
Sergio Aguero hian Barcelona tan a duhthaw ve hle niin a lang. Lionel Messi kianga khelh duh vangin FC Barcelona a pan ve a, mahse, Lionel Messi’an Paris Saint-Germain panin a chhuahsan leh lawi si.
Paris Saint-Germain tana Messi game hmasa ber chungchang sawiin, duh angin a khel tha vak lo niin a sawi a, mahse, a chet that chhoh zel a beisei.
SOurce SK