A hunlai a ni bawk a, football a khelh chungchang hi kan ziak khat leh tawh viau maithei, tun tumah hian football khawvel lama hun a hman tawhnaah record a siam top 10 te kan rawn tarlang ve leh dawn a ni.
Sergio Aguero hi goal khung thei tak pakhat a ni. Manchester City leh Argentina tana a goal khung te hi sawi tam ber a ni bawk. Manchester City lama hun a hman chhung hian Premiere League goal a khung thei hle a, Premiere League history bikah ram dang player goal khung tam ber a ni mek. Summer transfer lai khan FC Barcelona lamah insawnin, lung lama harsatna a neih vangin football a mangtha ta a ni.
Atletico Madrid star hlui hian Cardiac Arrhytmia natna a nei niin an sawi a, he natna irregular heartbit tia sawi a ni bawk. Aguero hi a generation ah chuan striker ropui ber pawl anga sawi a ni a, a career ah mel lung pawimawh tak tak alo hnutchhiah ve a ni.
Tun tumah hian a career pumpuia record a siam top 10 te kan rawn tarlang ve leh dawn a ni.
10. Argentina first division a game hmasa ber khel thei naupang ber
Sergio Aguero hi kum 15 a upa a nih laiin Independiente tan a game hmasa ber a khel. Atletico Madrid chuan a talent neih that zia hriain an la lut a, an la fuh ang reng hle.
9. Premiere Leauge bikah foreing player atanga PL goal khung tam ber
Premiere League hi khawvel league khelh harsa ber tia sawi thin a ni. Hei vang hian khawvel hmun hrang hranga player tha te a hip khawm a. Foreign player tamtak lo khel thin tawh mahse, Sergio Aguero anga PL goal khung tam an awm lo. Aguero hian Premiere League goal 184 lai a khung. Premiere League history goal khung tam lamah erawh Andy Cole, Wayne Rooney leh Alan Shearer te chiah hi a chunga awm te anni.
8. Manchester History-ah goal khung tam ber a ni
Sergio Aguero hi Manchester City ah legendary a ni. Kum 10 chhung teh meuh mai City ah hian hun a hmang a, kum 2011 ah lutin 2021 ah a chhuak. City lama hun a hman chhung khan all competion ah goal 260 lai a khung a, City player zingah goal khung tam ber a ni, pahnihnaah Raheem Sterling awmin goal 117 a khung ve bawk.
7. FIFA Golden Boy winner
Sergio Aguero hi a naupan deuh atang tawh khan a tha hle. 2000s chho velah pawh khan player naupang hmalam hun tha tak nei anga sawi alo ni reng a. Kum 2007 khan FIFA Golden Boy award a dawng. A dawn ve hma hian Lionel Messi leh Wayne Rooney ten an lo dawng ve a ni.
6. Manchester City tana game inlan tam ber pahnihna
Sergio Aguero lim hi Eithad Stadium-ah an dah dawn hnai niin a sawi a awm mek. City lama kum 10 chhung hun a hman chhung khan record hrang hrang a siam mai piah lamah, club tan game khelh tam lamah pahnihna dinhmun hauhtu a ni. All competion ah City tan match 390 a inlan a, pakhatna hauhtu chu David Silva niin match 436 ah a inlan.
5. Manchester City chu Trophies 15 lai a chawi pui
Manchester City hian kum 2010 chho vel atang tawh khan English football ah ro an rel ti ila kan sawi sual lovang. Aguero hian City hi nomawi a chawi pui hnem hle. Kum 10 chhung hun a hman chhung khan trophies 15 lai a chawi pui. League titles 5, League Cups 6, FA Cup 1 leh FA Community Shields 3 a chawi pui hman a ni.
4. Olympics gold medal winner
Olympic Games ah Argentina U 23 tan Olympic medal a la.
3. Copa America winner
A vawikhatna atan Argentina chu Copa America nomawi a chawi pui.
2. UEFA Europa League winner
2009/10 season ah khan Atletico Madrid chu UEFA Europa League nomawi a chawi pui a, a hnu lawkah UEFA Super Cup a chawi pui leh.
1. Premier League Nomawi hmasa ber
Kum 2012 khan Manchester City in a vawikhatna atan Premiere League nomawi an chawi. Hetah hian Sergio Aguero hi player che tha pawl tak a ni.
Source SK