Manchester City star Raheem Sterling chuan club chhuahsan tur Sergio Aguero thlaktu tur tan Aguero thlak chu thil awlsam lo, thil lian tham tak a nih tur thu a sawi.
Kan hriat angin Argentine striker Aguero hian season tawpah a contract a zawh dawn avangin Man City a chhuahsan dawn a, free agent in FC Barcelona a zawm dawn niin report in an tarlang.
Manchester City ah hian kum 10 chhung teh meuh mai hun a hmang tawh a, Aguero hian Citizens chu trophies an chawi teuh theihna kawngah a puih nasa em em a, all competions-ah City tan matches 260 a khelh atangin goal pawh a khung teuh a, goal khung tam ber pawl a ni.
Raheem Sterling chuan Sergio Aguero thlaktu tur hian kum 32 a upa hmun luah khah nan hian hnathawh tur a nei tam dawn niin a sawi.
“Club legend a ni.” tiin Engladn star Raheem Sterling chuan The Times of India a hrilh.
“He football club tana a thil tih hi a tam hle, game pawimawh tak takah hnehna a chang tam nual tawh. Kum tlemte liamta chhung khan he football club tan trophy tamtak a chawi bawk.”
“He football club history tamtak siamtu zinga player pakhat a ni, kum a kal zel anga amah ang player hi an sawi ve thin tawh ang.”
“Legend a ni, amah thlaktu tur player hian tih tur a nei nual dawn, a hmun luah khat tur chuan hun rei tak a duh ang” tiin a sawi bawk.
Source SL