”Season tharah chuan Messi tha ber chi inhmu tawh ang” – PSG president Nasser

Paris Saint Germain President Nasser Al-Khelaifi chuan season thar ah Messi tha ber chi an hmuh tawh a beisei thu a sawichhuak.

Rin loh taka Barcelona chhuahsan tu Argentine forward in Paris a a season khatna a hmang tha lem lo hle a, league match 26 a inlan atangin goal 6 leh assist vawi 14 a nei. A club chu Ligue 1 nomawi chawipui mahse an duh ber Champions League lamah erawh last 16 ah Real Madrid an ngam lo.

League match ah PSG tan goal 20 ah inrawlh mahse Barcelona lama a chet dan nen khaikhin chuan a stats hi a pui lo hle. Season khatna hmang tha lem lo mahse PSG president chuan season tharah ngai a awh ngei a rin thu a sawi. Ballon d’Or chawimawina vawi 7 lai dawng tu Argentina captain hi tun zirtawp 24th June ah kum 35 a tling ang.

”Ballon d’Or vawi 7 lai dawng tawh tu tan chuan season tha tak ani lo tih ka pawm e mahse Messi hian kum 20 meuh Barcelona a a khawsak hnuin ram dang a pan a, khawpui thar, league thar, team thar, hnam dan thar, chhungkua leh thian thar thleng pawh in ani ang, a tan chuan engkim a thar ani ber, tin season hmasa khan coronavirus in a tibuai bawk a, a tan chuan season harsa tak ani. 2022-23 season ah erawh Messi tha ber chi in hmu tawh ngei ang.” tiin PSG president in Messi chet that loh chhan leh season tharah chuan a laka beiseina sang tak an neih thu a sawichhuak.

Messi hian thla 12 chhung chauh PSG ah contract a nei tawh a, contract thar ziak leh tur chuan club hotute duhthusam a a chet a ngai tawh ang.

Related Posts

error: Content is protected !!