Manchester United chuan ropui taka hun an hmanna kum 1960 a player hmingthang George Best, Denis Law leh Bobby Charlton ‘trinity’ te zahderna lan tir nan 2021/22 home kit atan 1960 kit ang deuha hman an tum niin report in a tarlang.
Tunhnai lawk khan 2021/22 season-a an jersey thar tur a leak a, hetah hian Marcus Rashford, Paul Pogba leh Bruno Fernandes ten an home kit thar tur an ha a ni.
He an jersey thar (home kit) turah hian sponsor tu thar software company TeamViewer a inziak a, an jersey thar hi a simple in a hranglui zaih mai. A kawr nghawng leh ban rek awm dan hi 1960 a an jersey ang deuh kha a ni e. A hnuaia thlalak ang hi a ni e.
Leaked pictures of Marcus Rashford, Paul Pogba and Bruno Fernandes in #mufc‘s 2021/22 home kit #mulive [@Footy_Headlines] pic.twitter.com/bIZoA6ddJ9
— utdreport (@utdreport) July 8, 2021
Hetiang ang deuh hi kum 1960 khan Man United team ten an lo ha tawh a, 1964/65 season leh 1966/67 season khan league nomawi an chawi a, hemi hnu lawk kum 1968 khan Europe nomawi an chawi leh bawk. Hetihlai hian Manchester United chu English club atanga European Cup nomawi chawi hmasa ber anni nghe nghe.
George Best, Denis Law leh Bobby Charlton te hian 1960 bawr vel khan Ballon d’Or vawi khat theuh an dawng tawh a, anni pathum hi United history-ah an hming a dai tawh ngai lovang, Old Trafford pawn lamah an pathum lim siam a ni.
Source 90min
READ MORE (Confirmed: PSG in Sergio Ramos an la lut ta)
Real Madrid star hlui Sergio Ramos chuan Ligue 1 club lian Paris Saint-Germain chu a free in a zawm ta.
Spanish defender Sergio Ramos’an Los Blancos lama contract a neih chu season zawh rual khan a zo ve a, an inthen ta a ni. Kum 16 chhung teh meuh mai Real Madrid-ah hian hun a hmang a ni.
Ramos hian kum 2 chhung atan French club lian PSG zawm a thlang a, PSG in defender an lak luh pahnihna a ni, Achraf Hakimi pawh an lo la lut tawh.
𝐒𝐢 𝐒𝐞𝐧̃𝐨𝐫! ✍️
— Paris Saint-Germain (@PSG_English) July 8, 2021
🔴🔵 #WelcomeSergio
pic.twitter.com/n6vciD7YxU
PSG in tun transfer window-ah hian player pathum an la lut tawh a, Sergio Ramos hi an lak luh pathumna a ni. Paris Saint-Germain thil tum lian ber chu UEFA Champions League nomawi chawi a ni. Season hnuhnung berah khan Semi Final an thleng thei a nih kha, Sergio Ramos an lak luh hnuah Champions League nomawi an chawi thei mai ang em?