2020-21 season Premiere League-ah khan Liverpool chu an che tha vak lova, Premiere League nomawi an chan mai bakah Europe lamah pawh beisei an phak lo hle. An player tha thenkhatten hliam an neih vangin an che thalo niin a lang a, UEFA Champions League-ah pawh pathumna dinhmun an hauh pha hram.
Liverpool player te inhliam tam deuh mahse, an bei ve tang tang a, Premiere Leageu bikah a zawnin game 6 lai mai an tlawm a ni. Chutia an beih ve tang tang a zarah Season a han tawp meuh chuan Premiere League table-ah pathumna an rawn hauh pha a ni.
Season thar inbuatsaihna atan Liverpool chuan tun summer-ah hian player pakhat an la lut tawh a, Jurgen Klopp leh sporting director Michael Edwards hian inlaichinna tha tak an neih avang hian tun summer transfer chhungin player tha dang pawh an lak luh leh ngei a rinawm.
Engpawhnise, Season thar lo awm turah hian Liverpool hi an rawn tha chho viau leh maithei a, Liverpool chuan hetiang hian Starting XI an hmang maithei.
Goalkeeper: Alisson Becker
Alisson hi Season hmasa khan che tha vak lo mahse, season tharah chuan a rawn che bon leh maithei. Liverpool tan goalkeeper pawimawh tak a ni e.
Right-back: Trent Alexander-Arnold
Season hmasa khan hliam neuh neuhin a ti buai deuh reng a, Euro 2020 ah pawh khan England tan duh angin a inlan thei lo. Season tharah hian a rawn che tha leh viau maithei a ni.
Right center-back: Joe Gomez
Virgil van Dijk nen inkawpin an tha hle, mahse, hliamin a tih buai hnuah LIverpool an tal buai deuh. Liverpol defender pawimawh tak pakhat a ni.
Left center-back: Virgil van Dijk
Season hmasaa Liverpool an chet chhiat pakhat chu Van dijk inhliam vang a ni ti ila kan sawi sual awm love, Tunah Liverpool pawimawh tak pakhat a ni mek.
Left-back: Andy Robertson
Defensive midfield: Fabinho
Central midfield: Jordan Henderson
Central midfield: Thiago Alcantara
Attack: Sadio Mane, Roberto Firmino and Mohamed Salah
Diago Jota awm tho mahse, hemi te pathum hi hman rim ber anni leh maithei. Liverpool tan season 3 vel chu tha takin an che tawh a, an rinrawl ber te anni.
Source SK