2021/22 season-ah Paris Saint-Germain hi an tha viau dawn niin a lang, an squad-ah hian player talent nei tha tak tak an awm nuk tawh mai. Kylian Mbappe leh Neymar an la awm rih zui. Ligue 1 club lian PSG hian season thar atan an squad-ah Sergio Ramos, Gianluigi Donnarumma, Achraf Hakimi leh Georgnio Wijnaldum te an la lut tawh a, hei mai bakah midang pawh an la lut rih dawn niin an sawi.
PSG boss Mauricio Pochetinno chu Tottenham lama kir leh tur anga sawi ni mahse, Milan star Theo Hernandez chu lak luh ala tum niin an tarlang.
Season thara Paris Saint-Germain line up XI tur hi i han tarlang dawn teh ang.
Goal Keeper – Gianluigi Donnarumma
PSG goalkeeper Keylor Navas’an contract thar a sign hnuah, PSG hian goalkeeper tha pahnih an kawl a, tunkar tir khan Donnarumma pawh an la lut bawk. An goalkeeper lamah chuan an ngaihtuahawm lo khawp ang le.
Right Back – Achraf Hakimi
PSG chuan Inter Milan atangin €60 million lai maiin Achraf Hakimi hi an la lut a, ani hi right back emaw right back wing ang pawhin a khel thei. Pochetino’an centre back pahnih a hmang emaw, pathum a hmang a nih pawhin a khel thei ve ve tihna a nih chu.
Centre Back – Marquinhos
PSG in player thar la lut mahse, club captain Marquinhos hi chu start tur chiang sa a ni. Thiago Silva’an Chelsea a pan hma pawh khan an inkawp a, an che tha hle. Tun tumah pawh hian rinrawl ber a nih leh a rinawm.
Centre Back – Sergio Ramos
Real Madrid defender hlui Sergio Ramos hi Ligue 1 in player thar an lak luh zinga player tha ber pakhat a ni. Bernabeu lamah kum 11 chhung teh meuh mai hun a hman hnuin PSG in an la lut. Defenders hlauhawm ber pakhat ni mahse, season tharah PSG hi Champions League nomawi a chawi pui thei ang em?
Left Back – Theo Hernandez
Theo Harnandez hi PSG lamin la lut chiah rih lo mahse, an lak duh ber pakhat a ni.
Central Midfielder –
PSG chuan Liverpool atangin free agent in an la lut, Euro 2020 ah Netherlands tan a che tha hle a nih kha. Marco Verratti nen an inkawp dawn a, an tha dun viau maithei.
CM – Marco Verratti
Attacking Midfielder – Neymar
Right Wing – Angel di Maria
Left Wing-Kylian Mbappe
Striker – Mauro Icardi
Source 90Min