Season thar Liverpool line up tur?

Kan hriat angin Liverpool chuan tun summer transfer-ah player 3 an la lut tawh a, 2022/23 season atan an squad an thawm tha zel dawn niin a lang.

Tun summer transfer-a Liverpool lak luh that ber leh man to ber chu Darwin Nunez hi a ni a, Benfica atang £85 million in Anfield hi a zawm a ni.

Tun tumah hian Liverpool line-up tur anga rin, kan rawn tarlang ve leh dawn a, Jurgen Klopp hian starting XI hi ala thlak danglam zel thei dawn a ni.

GOALKEEPER LEH DEFENCE

2021/22 season tha taka hmang Alisson hi first choice goalkeeper anih chhunzawm zel a rinawm.

Liverpool hian defence lam pawh annei tha tang reng tawh hle. Kostan Tsimikas hi season hmasa khan khelh tir niin, a che tha ang reng a, season tharah pawh a khelh chhunzawm zel a rinawm. An lak luh thar Calvin Ramsay  hi right back back-up tu tur a ni dawn a, mahse, Andy Robertson leh Trent Alexander Arnold hian an hmun an luah chhunzawm zel a rinawm.

Central defence-ah Van Dijk a awm chhunzawm anga, Ibrahima Konate hi season thara Van Dijk kawppui anih a rinawm a, Joel Matip leh Joe Gomez ten hmun luah an rawn tum ve ang.

MIDFIELD

Jurgen Klopp hian midfield-ah pathum a hmang thin a, duhthlan tur Jordan Henderson, Naby Keity, Alex Oxlade-Chamberlain leh Harvey Elliot te a nei mek. Season hmasaa hliamin a tih buai neuh neuh Elliot hi season tharah a chhawr tam viau a rinawm.

Defensive-ah Fabinho a hmang chhunzawm ngei bawk ang.

Hei mai bakah Thiago Alcantara pawh a rawn che tha chho viau mai, season tharah starting XI a chan tam a rinawm a, tun hnai lawka contract pawtsei James Milner pawh hi back up tu ah a awm bawk ang.

ATTACK

Right forward-ah Mohamed Salah a awm ang, amah elpui turin Fabio Carvalho a awm bawk ang.

Darwin Nunez hi Jurgen Klopp main striker a nih a rinawm a, eng nge a an zel dawn ala hriat loh.

Sadio Mane’an club a chhuahsan tak avangin Luis Diaz hi left forward-ah a awm ang a, Diogo Jota pawhin Luis Diaz hmun luah tumin a bei ve bawk ang.

Liverpool hian player an nei tha ang reng a, starting XI chan theuh tumin an khelh chuan an that leh viau a rinawm.

Source SB

Related Posts

error: Content is protected !!