Tottenham Hotspur striker hlui, tuna talkSPORT pundit ni ta Darren Bent chuan Chelsea star Mason Mount an season bul a tan that loh thu a sawi.

Mount hi tun hnai kuma Chelsea player pawimawh ber pakhat a ni a, a zawnin kum hnih chhung Chelsea player of the Season chawimawina a dawng. Tun season ah kum 23 a upa hian Blues tan game 8 a inlan atangin goal a la khung lova, assist erawh vawi 1 a nei.

German coach Thomas Tuchel khan Mount hi a hmang thiam hle a, amaherawhchu September ni 7 a Dinamo Zagreb laka 1-0 a a nau te a tlawmpui hnuin Tuchel chu club hotute’n an ban zui anih kha. Brighton & Hove Albion atanga an lakluh manager Graham Potter pawh hi Mount duh em em tu niin an sawi.

”Mason Mount hian nikum khan season tha tak a hmang a, tunah erawh bul a tan tha lo hle. A hmaa an dinhmun ang kha tunah hi chuan a la pha lo takzet” tiin Darren Bent an tun season a bul tan tha lo Mason Mount chungchang a sawi.

Mount an season bul tan tha lo mahse Nations League khel tur England squad ah Gareth Southgate chuan a ko tel ta tho va, hemi chungchang hi Darrent Bent chuan sawi leh in, “Gareth an a koh chhan chu a inkhelh ve vang chauh in a ni. Tun hnaiah khel tha tehchiam lo mahse match khel turin a inring hrim hrim” a ti.

Mount hian season hmasa khan Blues tan game 53 inlan in goal 13 leh assist vawi 16 a nei. Kum 23 chauh a upa la ni mahse Chelsea tan game 168 a khel tawh.

Related Posts

error: Content is protected !!