Maurizio Sarri’an Chelsea a enkawl lai khan Chelsea star Jorginho pawh Chelsea lamah bul tan tirh a ni bawk a, duh angin a che tha lo hle a, sawiselna hrang hrang a tawk a nih kha.
Kum 2018 khan Maurizio Sarri chuan Napoli atangin Chelsea tan midfielder hi a la lut a, hetihlai hi season khat a enkawlna a ni nghe nghe. Jorginho hi a chhawr tam a, mahse, fans te duh angin Jorginho hi a che tha lo.
Premiere League tana Jorginho chet dan avang khan sawiselna hrang hrang a tawk a, engemaw lai kha chuan Chelsea chhuahsan tur anga sawi hial a ni. Mahse, European trophies vawi 2 an chawi hnuah, Chelsea player pawimawh tak pakhat a rawn ni chho mek.
“Chelsea lama bul ka tan tirh khan Napoli lam ka ngai tak zet,” tiin Jorginho chuan The Players’ Tribune a hrilh. “Eng thu nge an sawi tih chu kan hre reng, ka muang em em a, ka chak lo em em bawk. Sarri fapa tia koh ka ni bawk, hei hian min ti thinrim hle.”
“Mahse, ka nihna aiin min ring hniam a, ka khelh tanna club-ah chuan buaina ka siam zel. Club tinah. Hei hi a tha tak zet. Verona lama ka kal khan, tumahin min duh lo. Loan in fourth division lamah min thawn thla a. Chutah pawh chuan tumahin min duh lo a ni.”
“Mahse, ka bei fan fan a, hnehna ka chang. Verona lamah kir lehin Seria A ah ka kai chhova, Napoli-ah pawh kum harsa tak ka hmang, Sarri a rawn luh khan engkim mai a rawn thlak danglam a ni.”
“Sawiselna te chu chakna atan ka hmang a, sawiseltu te chu hrilhai taka an awm ka ring tlat a ni.”
“Tunah chuan Europa League title leh Champions League title ka chawi tawh a. Sawiselna zawng zawng chungchangah thil pakhat sawi ka duh, chu chu in zavai chungah ka lawm tak zet zet a ni” tiin a sawi bawk.
Source SL