Salah’an Anfield chhuahsan duhna a nei lian zawk

Report hrang hrangin an tarlan dan chuan Mohamed Salah hian Anfield chhuahsan a duh zawk niin an tarlang.

Kan hriat angin Liverpool lama Salah hmalam hun tur chungchang hi issue lian tak a ni mek a, kum 29 a upa Mo Salah’an Liverpool lama contract a neih hi season thar zawh rualin a zo ve dawn a ni.

Salah hi Reds-ah hunrei tak a awm dawn nge dawn lo tih ala chiang thei rih lo, Ram dang atanga offer tha a hmuh te chu um a duh zawk niin an sawi bawk.

Tunah hian tun season Premiere League goal khung hnem ber a ni mek a, mi tamtakin Liverpool hian free agent-a chhuahtir ai chuan sum tamtak hmanga an la chelh rih an ring zawk a ni. Contract an pawhsei sak lo a nih chuan 2022/23 season zawh rualin free agent in a chhuak thei dawn a ni.

Daily MailĀ in a tarlan dan chuan AS Roma player hlui hian European champions vawi 6 ni tawh Liverpool chhuahsan duhna a nei lian zawk niin an tarlang a, chona thar hmachhawn turin Paris Saint-Germain, Real Madrid emaw Barcelona pan a duh niin an tarlang bawk.

Tun season zawh rual hian player thenkhatte contract chu an pawhsei sak ngei a rinawm a, Jurgen Klopp pawh kum 2 dang awm turin contract pawhsei sak a ni bawk. James Milner pawh kum khat dang awm turin contract pawhsei sak a ni tawh bawk.

Mohamed Salah chiah hi Liverpool lama hmalam hun chiang lo a ni a, hetihlai hian Sadio Mane leh Roberto Firmino pawh tun season khelh zawh rualin an contract an hmang zo ve bawk ang.

Source SL

Related Posts

error: Content is protected !!