Liverpool in Mohamed Salah Olympic Games tel ve theihna an dang niin Egyptian FA lamin an tarlang.
Kan hriat angin Covid 19 hrileng avangin nikuma neih tur Olympic Games chu tun thla tawp lamah neih a ni dawn chauhva, Japanese khawpuiah hian Reds superstar Mo Salah pawhin khelh ve ngei a duh a, a beisei a ni.
FIFA official calendar-ah Olympic games match hi a awm loh avangin, club in an duh chuan an player te an chhuah tir lo thei a, hei vang hian Liverpool pawhin Mo Salah hi Egypt lamin reguest mahse, an chhuahtir a rinawm lo.
Egypt coach Shawky Gharib chuan Premiere Leageu club Liverpool hnenah an forward thiampuipa khel tir ve turin a dil a, mahse, Liverpool lam hian an hnawh niin a sawi.
“Egypt FA tih ang thovin vawi tamtak Liverpool ka bia a, Salah chu Egypt tan Olympic game squad a tel ve turin, mahse, an phal lo bur.” tiin Shawky Gharib chuan BBC a hrilh.
“Olympic Games Tokyo 2020-ah hian Mohamed Salah pawhin khel a duh hle a. Ka theihna leh thiamna zawng zawng ka chhuah pui ang tiin min hrilh. Olympic plans ka neihah hian Salah hi key player a ni. Mahse, a club lamin an phal tak loh avangin kan inthiarfihlim a ngai dawn ta a ni.”
Tokyo a neih tur Olympic Games hi August ni 7 vela zo tur a ni a, hei hi Premiere League tan hma kar khat vel a ni. Jurgen Klopp chuan Salah hi pre-season-ah hman a duh.
Galatasaray pawhin an striker Mostafa Mohamed chu Olympic Games ah khelh tir an phal lo, ani pawh hi Egypt coach Gharib plan ah a tel a a ni.
Egypt hian Group game an khelh turah Argentina, Spain leh Australia te an hmachhawn ang.
Source Daily Mail