Mohamed Salah’an season tawp ruala Liverpool a chhuahsan a nih chuan, Liverpool neitu ten an ngaidam thei lovang tiin Liverpool star hlui Jamie Carragher chuan a sawi.
Thla tlemte liamta atang khan Club leh Salah representative ten Salah chungchanga inbiakna chu an ti tawp a, amah Salah ngei pawhin a dinhmun zawng zawng chu club kutah a awm niin a sawi ve bawk.
Mo Salah’an Liverpool lama contract a neih hi season lo awm tur a zawh rual khian a zo ve dawn a, mahse, club lam chuan contract thar sign pui an duh a, a nih loh chuan nakum lamah Salah hi free transfer in an chan thei dawn a ni.
“He deal hi a rang thei ang berin ti se ka lawm hle ang. Liverpool in Salah an lak luhna man kha i theinghilh thei lovang.” tiin Jamie Carragher chuan Sky Sports a hrilh.
“Salah lak luhna atan khan £100 million an hmang lova, an ropui ang bawkin deal thar hi neih pui thuai rawh se.”
“Player duh ang pek hi a pawimawh ber a ni lova, mahse, tun summer-ah ermaw thla 18 chhunga Mohamed Salah a chhuak a nih chuan Liverpool Football Club leh a neitu ten Salah hi an ngaihdam theih ka ring lo.”
“Liverpool legend a ni a, Liverpool tana khel tawh player zinga ropui ber pakhat a ni bawk, a tlai hma ngeiin deal thar neih pui thuai rawh se.” tiin a sawi bawk.
Source SL