‘Salah a lungngai, mahse, khawvelah a tha ber tho’

Egypt international pakhat chuan Liverpool star Mohamed Salah’an Ballon d’Or dawng rih lo mahse, khawvelah a tha ber tho tiin a sawi.

The Reds striker Mohamed Salah hi kum Ballon d’Or-ah pasarihna dinhmun a hauhva, African player atanga thleng sang ber niin, amah hnaih bertu chu Riyad Mahrez niin 20 naah a awm ve bawk.

Aston Vila leh Pharoahs attacker Mahmoud Trezeguet chuan a rampuipa Salah hian nakum lamah chuan a dawn tawh ngei a rin thu a sawi.

“Ballon d’Or a dawn loh vangin Salah hi a lungngai tih ka hria, mahse, khawvel player tha ber a ni, hei hi fakderna mai a ni lo, a dik a dik chuan a tha a ni.” tiin Mahmoud Trezeguet chuan MBC Masr TV channel a hrilh niin King Fut in a tarlang.

“Salah hi player ropui tak a ni a, ka entawn ber a ni a, mi zawng zawngin amah anga tha nih hi an duh ang. A record neih te hi a ropui a, award dawn hi a phu viau chuan ka hria. Nakum Ballon d’Or khi dawn ngei a tum ang tih ka chiang” tiin a sawi bawk.

Liberia leh AC Milan star hlui George Weah chauh hi African footballer atanga Ballon d’Or dawng thei awmchhun ala ni rih.

Source SK

Related Posts

error: Content is protected !!