Roy Keane hi Premiere League history-a captain tha ber pakhat anga sawi thin a ni, Manchester United lama hun a hman atang khan mi ten an hre lar niin a lang. Tun tumah hian a thil neih hlut zawng (net worth) kan rawn tarlang ve leh dawn a ni.
Rockmount AFC atang bul a tan hnu kum 1989 khan defensive midfielder hlui hian Cobh Rambles a zawm a, Cobh Rambles-ah hian season khat chiah hun a hmang hman a, hemi hnu hian England lamah a career bul a tan tha ve leh a ni.
Kum 1990 khan Roy Keane chuan Nottingham Forest tan a sign a, hetah hian kum 3 chhung teh meuh mai hun leh hnuin, Sir Alex Ferguson enkawl Manchester United a zawm a ni.
Kum 2006 January thla khan Old Trafford a chhuahsan a, hei hi Sir Alex Ferguson nena an intihthiam loh hnu lawkah a ni, kum tam a liam hmain Keane chuan football a chawlhsan a, Scottish Premiership club lian Celtic tana a khelh laiin a ni a, match 10 ah chiah a inlan hman nghe nghe.
Professional football a chawlhsan hnu hian hruaitu tha tak ni thin Keane hian Sunderland leh Ipswich te enkawlin, Ireland, Aston Villa leh Nottinham Forest te assistant manager ang te pawhin alo awm thin a ni.
Vawiin ni ah chuan Keane hi Sky Sports leh ITV lamah entertaining pundit angin a awm mek.
Celebrity Net Worth in a tarlan dan chuan, kum 50 a upa Roy Keane neih zawng zawg belhkhawm hlut zawng chu £44 million niin an tarlang. Football khelh lamah kum 18 chhung teh meuh mai hun a hman mai piah lamah broadcasting studios lamah a thawk hlawk hle niin an tarlang.
Source Sl