Ropui tura ruat sa em ni? Zinedine Zidane fapa 4 te Bihchianna

Zinedine Zidane hi a geneartion-ah chuan players ropui ber pakhat a ni, kum 1998 khan World Cup nomawi a chawi a, Zidane hian tunah fapa pali (4) lai mai a nei a, an vaia an dream chu a pa hnungzuia, footballer ropui tak mai nih hi a ni.

An pa ber Zidane hian team ang zawngin leh mimal ang zawng pawhin trophies a lo dawng nual tawh a, UEFA Champions League, World Cup leh UEFA European Championship pawh a career-ah a lo dawng tawh a ni.

Advertisement

Zidane hian fapa pali (4) a nei a, Enzo, Luca, Theo leh Elyaz te an ni, tunah hian footballer ropui tak ni turin an inbuatsaih mek a, an game khelh pawh a nalh chho tan zel niin RealTOTAL chuan an tarlang.

Amah Zidane ngei pawhin, a fapa pali te chungchang sawiin, an finna leh an hriselna chungchang pawh a sawi chhuak bawk.

Advertisement

“Midang angin nun an an nei lo, mi ang loah an chhuak ang tih ka hlau thei hle” tiin Zidane’an a sawi niin French journalist Frederic Hermel chuan Frenchman biography ah a ziak a ni.

“Sum leh pai ka duh lova, ka rilru in ka ngaituah ngai lo bawk, kan kianga thil awm te hian a hruai dik lo ang tih ka hlau a, mi tha tak ni turin ka duhsak hlawm hle.”

Advertisement
Enzo Fernandez

Zidane fapa upa ber Enzo phei chu a hmingah an chhungkaw hming a dah khan a che chhe zawk niin a ngai. Kum 25 mi Enzo hian a pa enkawlna hnuaiah Real Madrid in Cope del Rey 2017 a CyD Leonesa an hmachhawn tum khan a game hmasa ber a khel a, kha tih lai khan Real Madrid chuan 6-1 in hnehna an chang, Enzo pawh hian goal khat a khung nghe nghe.

Kum 2017 khan UEFA Champions League squad-ah a tel a, hnehna an chang a  ni. Mahse, 2017 July thla khan free transfer in Deportivo Alaves lamah a insawn. Lausanne Sport, Rayo Majadahonda leh Desportivo Aves lamah te a khelh kual a, tunah hian LaLiga 2 club Almeria lamah a khel mek. Almeria hi a pa Zinedine Zidane teammate hlui Guti Hernandez coach na a ni a, Enzo hian January thla khan Almeria hi a zawm a, a zawm atangin minuts 10 chiah a la inlan rih.

Luca Zidane

Hetih lai hian mitamtakin Enzo chu a talent neih a bo tiin an sawi a. Zinedine fapa upa ber dawttu Luca erawh goalkeeper lamah a kal a, Real youth academy atanga chhuak a ni. A pa enkawlna hnuaiah May 2018 khan a game hmasa ber a khel. Los Blancos first team tan a vaiin game 2 a inlan ve thei a ni. Tunah hian La Liga 2 club Racing Santander lamah loan in a khel mek. Kum 22 a upa Luca hi France Youth team ah te inlanin, U17 UEFA European Championship-ah hnehna a chang a ni. Mahse, reports hnuhnung berin a tarlan dan chuan Luca hian a ram (International) thleng a tum niin an sawi a, a thleng a nih chuan Algeria senior level-ah a khel dawn a ni.

Advertisement

Zinedine Zidane fapa naupang zawk pahnih erawh hi chu Real Madrid academy tan an khel mek a, an hmingah pawh an nu ber (mother) surename an hmang a ni. Kum 18 mi Theo Fernandez hi a pa naupan deuh lai nen a i ang hle. Real’s U19 ah a khel a, mi bum a thiamna leh skill a neih te chu a pa nena khaikhin ber a ni. Real first team ah la awm rih lo mahsela, nikum kum tawp lam atang khan seniors te kiangah training phal sak a ni.

Zinedine Zidane nupui leh fapa pali te (Real Madrid president pawh a tel)

Zidane fapa naupang ber Elyaz pawh Real Madrid academy U15 ah a khel mek. A unau te pahnih Enzo leh Theo te ang lo takin kum 15 mi Elyaz hi vei dak a ni a, defensive lamah a khel thung.

Theo leh Elyaz te hian hma hun eng tak an nei mek a, mi tamtakin an thlir mek a ni.

Advertisement

Next Post

World Cup, UCL Leh Ballon d'Or dawng vek thei Players 8 te

Fri May 22 , 2020
Kan hriat angin Cristiano Ronaldo leh Lionel Messi chuan kum 10 chhung teh meuh mai Ballon d’Or an lo dawng […]