Manchester United chuan an player hlui Crisitiano Ronaldo chu Juventus atangin an la lut leh a, kartawp inkhelhah hian an lak luh leh hnua a game hmasa ber tur a khelh ngei a rinawm. Manchester United tana goal khung hnem ber Wayne Rooney chuan Cristiano Ronaldo’an game a khelh hmasak ber tur hi a en thei dawn lo niin a sawi.
Ole Gunnar Solskjaer leh a naute hian tunkar tawp hian Newcastle United an hmachhawn dawn a, an lak luh thar C Ronaldo pawhin Ole hnuaiah a game hmasa ber a khelh a rinawm.
Kum 2008 bawr vel khan Wayne Rooney, C Ronaldo leh Carlos Tevez te kha attacking trio hlauhawm tak anni a, 2008 season ah phei kha chuan Premiere League nomawi leh UEFA Champions League nomawi an chawi nghe nghe. Mahse, Derby County manager Rooney chuan Inrinni khian plan dang a neih thu a sawi.
“Ka fapa pahnih te chuan he game hi an en thei ang, he game an en theihna turin Inrinni khian taxi driver ka hruai tir ang,” tiin Wayne Rooney chuan a sawi niin The Sun in an tarlang.
“Manchester United hi ka follow a, tha taka che turin ka duhsak, Cristiano Ronaldo an la let leh thei hi an tan thil ropui tak a nih ngei ka ring.”
“Cristiano Ronaldo hi amah a inhrechiang a, Spain emaw Italy ang kha chuan a simple vak tawh lo maithei.”
“Physical league a ni a, mahse, chu chu a hria, a chhan chu a hmain he league ah ngei hian alo khel tawh, Manchester United tana goal tamtak khung leh turin a inbuatsaih ngei ka ring.” tiin Rooney chuan a sawi bawk.
Source SL