Ronaldo le Messi cu Club Pakhat Caah An Chuih Kho Men?

Kan thei bantukin Cristiano Ronaldo le Lionel Messi cu kum 30 an kai cang, nain, superstar pahnih hi vawlei cung players ttha bik an si rih ko, atu ah hin club pakhat caah an chuih kho men tiah biachokvai a um.

Juventus forward le FC Barcelona captain hi kawl khumh lei ah ttih an nung ngai rih ko, kum 10 reng lo vawlei cung players ttha bik an si i, pumpak laksawng vialte i a sang bik Ballon d’Or hmuh tam bik an rak si cang.

Advertisement

Lionel Messi nih cun Camp Nou in football dinhtak a duh, nain, naite ah Barcelona board lei hi buaibainak an ngei pah. Mah ruang ah mi tampi nih cun Camp Nou a chuahtak ko lai tiah an chim ve. Mah he pehtlaiin Messi cu MLS club lei ah aa tthial lai tiah an chim.

Interview an tuahnak ah Minnesota United manager Adrian Heath nih cun David Beckham zohkhenh mi Inter Miami FC lei nih Messi le Ronaldo cu an duh tiah a chim i, Miami lei i an chuih asi zong ah khuaruahhar asi lem lai lo tiah a chim.

Advertisement

“USA lei ah an chuih kho asiah cun USA football caah cun a ttha tuk lai, David Beckham nih vawlei cung players ttha bik pahnih hi lak khawh aa zuam lai” Adrean Heath nih Daily Mirror a chim.

“Beckham nih a cawk khawh lo zong ah, Ronaldo nih Zlatan Ibrhamovic, Wayne Rooney, Steven Gerrard leh Frank Lampard hnu zulh in MLS lei ah a chuih lai timi kha ka zumh”

Advertisement

“Ronaldo le Messi hi MLS lei ah an kal asiah cun Los Angeles le Miami lawng hi an kal khawhnak ding club asi”

“Atu hi Messi le Ronaldo chu Beckham nih cawk timhnak a ngei, Miami lei i an chuih asiah cun zoh an nuam tuk lai” tiah a chim chap.

Advertisement
Advertisement

Next Post

Paul Pogba: Mi Zawng Zawng Chungah Hla Takah An Awm Tawh, Liverpool hian Title An Phu

Tue Feb 25 , 2020
Manchester United midfielder Paul Pogba chuan Liverpool chu mi zawng zawng chungah an awm thawh thu leh midang tan Premiere […]