Manchester United lâkluh tum mêk Andre Onana chu Cristiano Ronaldo khelhna club Al Nassr lam pawhin lâkluh tumin tan an la dawn.
Manchester United in free agent a David De Gea an chhuahtir hnuin manager Erik Ten Hag chuan Ajax-a a lo hrual tawh tuna Inter Milan goalkeeper ni mêk Andre Onana chu sign ngei tumin tan a la mêk a, amaherawhchu Middle East club Al Nassr chuan Cameroon goalkeeper hi an duhna lantir in an contract zawrh pawh a mawm leh ngawtin a rinawm a ni.
Report tarlan danin Saudi club hian Onana agent hnenah a client chu sign an duh thu an hrilh. Hetiang anih tâkah chuan Onana lâkluh ngei tum United lam tan chet muan a hun tawh lova, an goalkeeper mana Inter Milan phut zat £50 million theh chhuah thuai a finthlak ang.
Kumin nipui bazar zet zawng Saudi lam an huangtau em em a, sum an ngah ten tawn bawk nen, European star an chawlut zut zut a ni ber.
Cristiano Ronaldo khelhna Al Nassr lam pawhin team dangte iangin an squad thawmthat hna an thawk mêk a, Inter Milan atangin Croatian international Marcelo Brozovic an sign fel tawh a, signing tha tak a ni ngei ang le! Tin, Chelsea forward Hakim Ziyech chu an sign fel tep tawh tiin a player in medical test a paltlang lo hlauh va, amaherawhchu an la nghak leh hret thei in a rinawm.