‘Ronaldo kha a thinrim tak zet’ – Fred

Manchester United star Fred chuan tun hnai thil thleng avangin a teammate Cristiano Ronaldo chu a thinrim tak zet niin a sawi.

2022 FIFA World Cup qualification group match-ah khan Portugal chuan pahnihna dinhmun an hauh a, hei vang hian kum 36 a upa C Ronaldo leh ram lama a teammate te chuan World Cup khel ve turin play off game an khelh a ngai a, hei mai a ni lo, vawi 2 lai hnehna an chan a ngai bawk.

Mahse, Portugal in an qualifying match hnuhnung berah Serbia hmachhawnin, 2-1 in an tlawm ta hlauh mai, hei vang hian 2022 FIFA World Cup chu Portugal chuan an khel ve thei dawn ta lo tihna a nih chu.

Manchester United midfielder Fred chuan Ballon d’Or vawi 5 dawngtu C Ronaldo chu World Cup an khelh theih dawn loh avangin a tuar hle niin a sawi. Hetihlai hian Fred erawh Qatar lama khel tur Brazil squad-ah a tel ve dawn a ni.

“Hemi chungchang hi tlemin han sawi ta ila. Dik tak chuan Direct deuh maia World Cup an khello tur chu a tuar tak zet” tiin Fred chuan Eurosport a hrilh.

“Mahse, player ropui tak leh captain ang zawng pawhin an qualify theihna turin a teammate te buatsaih dan a hria. Thil lang tlang sa chu, a thinrim tak zet a, mahse, World Cup khel tur khan a thawkrim ve hle.”

“Engkimah englaipawhin hnehna chan a duh tih chu mi zawng zawngin an hria.” tiin a sawi bawk.

Cristiano Ronaldo hi Portugal tan FIFA World Cup vawi 4 ah a inlan tawh a, kum 2006 khan World Cup hmasa ber a khel, kha tih lai khan semi-final an thleng nghe nghe.

Source SL

Related Posts

error: Content is protected !!