Cristiano Ronaldo leh Irina Shayk te an inthen hnuin Russian model hian social media ah followers a mak a maka tam in a hloh anih kha!
Ronaldo leh Shayk te hi kum 5 chhung an inngaizawng hman a, 2010-2015 inkar kha a ni. An inthen hnu 2016 khan Shayk chuan Instagram lamah Ronaldo bialnu hlui a nih vang chauha hria te chu amah unfollow turin a hrilh a, he a thu post atanga darkar 24 a ral leh meuh chuan followers maktaduai 11 lai mai a hloh a ni! Hetih hunlaia followers maktaduai 11 a hloh hi a followers neih zawng zawng atanga 75% lai a ni hem mai a, chan ropui tak hi a ni!
Tunah Irina Shayk hian Instagram ah followers maktaduai 22 a nei mek a, a bialpa hlui Cristiano Ronaldo erawh in maktaduai 594 a nei thung.
Ronaldo an world record transfer fee a Man Utd atanga Real Madrid a zawm hnu deuh lawk ah Irina Shayk nen hian anni tan a, 2015 January thla khan inthen in an inthen chhanah Shayk hian fa neih a duh laiin Ronaldo an la neih loh a duh vang nia sawi a ni a, tin, Ronaldo nu piancham lawmna a Shayk a tel duh loh avanga an inkar thu hi chhe tan nia report a ni bawk.
Ronaldo nen an inthen hnuin Shyak hian Hollywood star Bradley Cooper a date leh a, amaherawhchu 2019 khan an inthen fel leh a ni. Hetih mek lai hian Cristiano Ronaldo erawh in 2016 atanga a lo date tawh Argentina model Georgina Rodriquez chu tun thlengin a la nihpui zel a, fa 5 nei tawh in chhungkaw hlim tak anni.
Ronaldo hian Man Utd-a a contract neihlai tihtawp sak anih hnuin Middle East lam a pan a, Saudi Pro League club Al Nassr tan season hnih dang contract a la nei.
