Vincent Aboubakar chuan Al Nassr a la cham tura Cristiano Ronaldo an a ngen thu a sawichhuak.
Kumin kumtir khan Al Nassr chuan kum 38 a upa Cristiano Ronaldo an lalut a, season hnih leh a chanve chhung daih tur contract ziahpuiin kumkhatah Portuguese international hian £173 million a hlawh ang.
Ronaldo an lâkluh tak si ah chuan Al Nassr lamin an foreign player pakhat an chhuahtir ve a ngai ta thung a, Aboubakar chu club in la chelhbeh duh hle mahse Cameroon striker hian Saudi Arabia chhuahsan turin thutlûkna a siam fel ta zawk a ni.
Vincent Aboubakar hian Besiktas a zawm a, Turkish club tan hian kum 2 leh thlaruk chhung daih tur contract a ziak bawk. Kum 31 a upa hi Premier League club Manchester United nen pawha sawizawm anni ve hman anih kha.
Aboubakar chuan Al Nassr a chhuahsan dan chungchang hetiang hian a sawi, “Cristiano Ronaldo a lo lut dawn tih ka hriat rual khan a lo luh hma in kan coach hnenah chhuah ka duh thu tlang takin ka hrilhlawk tawh. Ronaldo a lo luh chuan foreign player a tu emaw ber kan chhuah a ngai dawn tho tho.”
“Ronaldo khan la cham turin min ngên a, club lam pawhin season tawp thleng tal an hnena la awm turin min duh, amaherawhchu keiin chhuah ka duh thung. Club lam in ka cham zel an pawi ti lova, ka hlawh pawh season tawp thleng pêktlak an inhuam.”
Aboubakar hian a club thar tan game li a inlan tawh atangin goal a khung lova, Cristiano Ronaldo erawh in Al Nassr tan game 3 a inlan atangin goal khat a khung tawh a ni.