Antony Martial chuan Manchester United a a khelhpui tawha tha ber a thlang a, chu chu Man Utd captain hlui Wayne Rooney a ni. Martial hian Old Trafford ah player ropui pahnih Zlatan Ibrahimovic leh Cristiano Ronaldo te khelhpui tawh mahse England forward hlui Rooney a thlang.
Kum 26 a upa France international hian a khelhpui mek Cristiano Ronaldo chu fak hle a, a tumna leh a thawhrimna te ngaisang viau mahse England captain hlui Rooney chu a khelhpui tawha tha ber ah a thlang thung.
”Ronaldo hi a inngaitlawm hle a, mi thawkrim tak a ni bawk. Zinglama training kan neih hma hian gym ah hun kan hmang thin a, vawi tam inkawm ho in titi khawchang te kan nei thin. A thil tih dan hi ka entawn fo. A chang hi chuan ka rilu in Cristiano Ronaldo nge nge! ka ti leh tawp mai thin” tiin Ronaldo thawhrimna leh a thil tih a entawn thin thu te Martial an a sawichhuak.
French forward chuan sawi chhunzawmin,” Amaherawhchu vawiin hian ka ngaihdan dik taka sawi ka duh a, chu chu Wayne Rooney chungchang hi a ni. Ka khelhpui tawh ah chuan Wayne Rooney a la tha ber” a ti.
Martial hi tun season ah Red Devils tan game khat ah chiah a la inlan a, chu chu 2-1 a Liverpool an hneh tum khan niin substitute bench atanga rawn lut in a thianpa Rashford goal khung tur a siamsak nghe nghe.